ပီအက်စ်ဂျီတိုက်စစ်မှူးဟောင်း မက်ဆီဟာ ပြီးခဲ့တဲ့ရာသီ ပြင်သစ်လီဂူးဝမ်းပြိုင်ပွဲရဲ့အကောင်းဆုံးနိုင်ငံခြားသားကစားသမားအဖြစ် မဲပေးရွေးချယ်ခြင်းခံခဲ့ရပါတယ်။
မက်ဆီဟာ ပြီးခဲ့တဲ့ရာသီက ပီအက်စ်ဂျီအသင်းအတွက် ၁၆ ဂိုးသွင်းပြီး ၁၆ ဂိုးဖန်တီးကာ အသင်း လီဂူးဝမ်းဖလားရယူနိုင်အောင် စွမ်းဆောင်ပေးနိုင်ခဲ့တာပါ။အဲ့ဒါကြောင့်လည်း ပြီးခဲ့တဲ့ရာသီပြိုင်ပွဲရဲ့အကောင်းဆုံးနိုင်ငံခြားသားကစားသမားဆုကို ရရှိခဲ့တာဖြစ်ပါတယ်။
အသက် ၃၆ နှစ်အရွယ်ရှိ မက်ဆီဟာ ပီအက်စ်ဂျီအသင်းနဲ့ စာချုပ်ကုန်ဆုံးခဲ့ပြီဖြစ်လို့ အသင်းကနေ ထွက်ခွာပြီး မေဂျာလိဂ်ကလပ် အင်တာမိုင်ယာမီအသင်းမှာ သွားရောက်ကစားတော့မှာပါ။မက်ဆီဟာ ပီအက်စ်ဂျီအသင်းပရိသတ်တွေ သူ့အပေါ်လှောင်ပြောင်မှုတွေကို စိတ်ပျက်ပြီး အသင်းနဲ့ စာချုပ်သက်တမ်းမတိုးဖို့ ဆုံးဖြတ်ခဲ့ပါတယ်။
မက်ဆီဟာ မကြာခင်မှာ အင်တာမိုင်ယာမီအသင်းနဲ့ ပူးပေါင်းပြီး လေ့ကျင့်မှုူတွေစတင်တော့မှာဖြစ်ကာ ဇူလိုင်လ ၂၁ ရက်မှာကစားမယ့် မက္ကဆီကိုကလပ် ခရုစ်အဇူလ်နဲ့ပွဲမှာ ပွဲဦးထွက်ပွဲစဉ်အဖြစ် ပါဝင်ဖွယ်ရှိနေပါတယ်။
မက်ဆီဟာ လက်ရှိအချိန်မှာ လက်ရွေးစင်အသင်းဖော်ဟောင်း မက်ဆီရိုဒရီဂွတ်ဇ်နဲ့ လက်ရွေးစင်ကစားသမားဟောင်း ရီကွယ်လ်မီးတို့ရဲ့ ဂုဏ်ပြုပွဲတွေမှာ ဝင်ရောက်ကစားနေခဲ့တာဖြစ်ပါတယ်။
