ပီအက်စ်ဂျီအသင်းက နိုက်စ်အသင်းကို ၂ ဂိုး- ၁ ဂိုးနဲ့ အနိုင်ရခဲ့တဲ့ ပြင်သစ်လီဂူးဝမ်းပွဲစဉ်မှာ မက်ဆီဟာ ဖရီးကစ်ကနေ တိုက်ရိုက်ဂိုးကန်သွင်းယူခဲ့ပါတယ်။
ပီအက်စ်ဂျီအတွက် ဒုတိယဂိုးကို ဘတ်ပီက သွင်းယူခဲ့တာပါ။မက်ဆီဟာ ဒီရာသီမှာ ပီအက်စ်ဂျီအတွက် ခြေစွမ်းပြသနေတာဖြစ်ပြီး အာဂျင်တီးနားအတွက် ဖရီးကစ်ဂိုးသွင်းပြီး ရက်ပိုင်းမှာပဲ ပီအက်စ်ဂျီအတွက် ဖရီးကစ်ဂိုးသွင်းယူခဲ့တာဖြစ်ပါတယ်။
မက်ဆီဟာ နိုင်ငံနဲ့ ကလပ်အသင်းအတွက် ၈ ရက်အတွင်းမှာ သွင်းဂိုး ၆ ဂိုးအထိ ရယူနိုင်ခဲ့တာပါ။မက်ဆီဟာ အချက်အလက်တွေအရ ၂၀၁၇-၁၈ နောက်ပိုင်း ဥရောပထိပ်တန်း ၅ လိဂ်မှာ ဖရီးကစ်ကနေ တိုက်ရိုက်ဂိုးသွင်းတာ ၂၁ ဂိုးအထိ ရှိပြီဖြစ်ပါတယ်။
ဒါ့အပြင် မက်ဆီဟာ သူ့ရဲ့ကစားသမားဘဝမှာ ဖရီးကစ်ကနေ တိုက်ရိုက်ဂိုးသွင်းတာ ၆၀ ဂိုးပြည့်သွားခဲ့တာလည်း ဖြစ်တာပါ။
မက်ဆီဟာ ဒီရာသီ ၁၃ ပွဲကစားထားအပြီးမှာ ၁၀ ဂိုးသွင်းယူကာ ၈ ဂိုးအထိ ဖန်တီးပြီး ခြေစွမ်းပြသနေတာလည်းဖြစ်ပါတယ်။
ပီအက်စ်ဂျီအသင်းဟာ ဒီနိုင်ပွဲကြောင့် လီဂူးဝမ်းအမှတ်ပေးဇယားကို ဆက်လက်ဦးဆောင်နေပြီး ကြားရက်မှာ ချန်ပီယံလိဂ်ပွဲစဉ်အဖြစ် ဘင်ဖီကာနဲ့ ယှဉ်ပြိုင်ရမှာဖြစ်ပါတယ်။