ဘိုင်ယန်မြူးနစ်နဲ့ ရီးရယ်လ်အသင်းတို့ ၂ ဂိုးစီသရေကျခဲ့တဲ့ ချန်ပီယံလိဂ်ဆီမီးဖိုင်နယ်ပထမအကျော့ပွဲစဉ်မှာ သူသွင်းယူခဲ့တဲ့ ပထမဂိုးကို လှပတဲ့ ဂိုးဖန်တီးမှုပြုလုပ်ခဲ့တဲ့ ကွင်းလယ်လူ တိုနီကရူးစ်ကို ဗီနီစီးယက်စ်က ချီးကျူးမှုပြုလုပ်သွားခဲ့ပါတယ်။
တိုနီကရူးစ်ဟာ ဗီနီစီးယက်စ်ဂိုးသွင်းယူနိုင်အောင် အချက်ပြပြီး လှပတဲ့ပေးပို့မှုပြုလုပ်နိုင်ခဲ့တာကို ဘရာဇီးလ်ကစားသမားက လှပတဲ့သွင်းဂိုးအဖြစ်အဆုံးသတ်နိုင်ခဲ့တာပါ။ဒါ့အပြင် ဗီနီစီးယက်စ်ဟာ ဒီပွဲမှာ ရီးရယ်လ်အသင်းအတွက် ပင်နယ်တီကနေ အဖိုးတန်ချေပဂိုးသွင်းပြီး ၂ ဂိုးစီသရေကျစေခဲ့တာဖြစ်ပါတယ်။
ဗီနီစီးယက်စ်က “တိုနီဟာ အရာရာကို လွယ်ကူအောင်လုပ်နိုင်ပါတယ်။သူဟာ ကျနော့်ကို ဂိုးလက်ဆောင်ပေးခဲ့ပါတယ်။ကျနော်တို့ဟာ လေ့ကျင့်ရေးကွင်းမှာ အများကြီးလေ့ကျင့်ခဲ့ကြပြီး တစ်ဦးအကြောင်းတစ်ဦးသိပါတယ်။၂ ဂိုးသွင်းနိုင်ခဲ့လို့ ပျော်ရွှင်ကြောင်း”ဆိုခဲ့ပါတယ်။
ရီးရယ်လ်အသင်းနည်းပြ အန်ဆယ်လော့တီကိုယ်တိုင်က တိုနီကရူးစ်ဟာ ထိပ်တန်းကစားသမားဖြစ်ပြီး အသင်းအတွက်အလွန်အရေးပါတဲ့ သူလို့ပွဲအပြီးမှာ မှတ်ချက်ပေးခဲ့တာဖြစ်ပါတယ်။