ရာမို့စ်ဟာ ရိမ်းစ်နဲ့ ကစားခဲ့တဲ့ ပြင်သစ်လီဂူးဝမ်းပွဲစဉ်မှာ အနီကတ်နဲ့ ထုတ်ပယ်ခံရပြီးနောက် ကစားသမားဘဝ ၂၈ ကတ်မြောက်အနီကတ်ကို ရရှိသွားခဲ့တာဖြစ်ပါတယ်။
ဒီပွဲမှာ ရာမို့စ်ဟာ ပြစ်ဒဏ်ကျူးလွန်ခဲ့တာကြောင့် ဒိုင်လူကြီးက အဝါကတ်တစ်ကြိမ်ပြသခဲ့ပြီးဖြစ်ပေမယ့် ဒိုင်လူကြီးကို စောဒကတက်ခဲ့တာကြောင့် နောက်ထပ် အဝါကတ်ပြသခံရပြီး ထုတ်ပယ်ခံခဲ့ရတာပါ။
ပီအက်စ်ဂျီအသင်းဟာ ဒီပွဲမှာ ရိမ်းစ်အသင်းနဲ့ ဂိုးမရှိသရေကျခဲ့တာဖြစ်ပါတယ်။ပီအက်စ်ဂျီအသင်းနည်းပြ ဂယ်လ်တီယာက ဒိုင်လူကြီးအနေနဲ့ ဒီအခြေအနေကို ပိုကောင်းအောင်ထိန်းထားရမယ်လို့ ပြောခဲ့တာပါ။
ဂယ်လ်တီယာက “ဒိုင်လူကြီးအနေနဲ့ ဒီအခြေအနေကို ပိုကောင်းအောင် ကိုင်တွယ်သင့်တယ်လို့ ကျွန်တော်ထင်ပါတယ်။ဒီအတွက်တော့ အကြောင်းပြချက်မရှိပါဘူး။ဒါတွေက ကျွန်တော်တို့ကို စိတ်ရှုပ်ထွေးစေပါတယ်။ဘာလို့ဆို ကျွန်တော်တို့က ဘောလုံးကစားချင်တာပါ”
“ဒီလိုတွေကြောင့် စိတ်အနှောက်အယှက်ဖြစ်ရပါတယ်”လို့ ဆိုခဲ့ပါတယ်။အနီကတ်ကြောင့် ရာမို့စ်ဟာ မာဆေးလ်အသင်းနဲ့ ကစားမယ့် ပွဲကို လွဲချော်တော့မှာဖြစ်ပါတယ်။