စပါးကိုအနိုင်ရခဲ့တဲ့ပွဲအပြီး အိုးထရက်ဖိုဒ့်မှာအသံမျိုးစုံထွက်ပေါ်ခဲ့ပါတယ်။ စပါးလိုအသင်းကောင်းတစ်သင်းကိုအနိုင်ရခဲ့တာကြောင့် ပျော်စရာဖြစ်ပေမယ့် တစ်ဖက်မှာလည်းရော်နာဒိုရဲ့အပြုအမူတွေကြောင့် စိတ်အနှောင့်အယှက်ဖြစ်ကြရတာပါ။ ရော်နာဒိုရဲ့လုပ်ရပ်တွေဟာ လူမြင်ကွင်းမှာတစတစရုပ်ဆိုးအကျည်းတန်လာတော့အမှန်ပါပဲ။ မန်ယူပရိသတ်တွေက စီရော်နာဒိုကိုအမြဲနားလည်ပေးခဲ့ပေမယ့် အခုအခါမှာတော့မေတ္တာပျက်စပြုလာတာငြင်းလို့မရပါဘူး။ စပါးနဲ့ပွဲမှာ ပွဲမပြီးခင်တစ်ကိုယ်တည်းထွက်သွားတဲ့လုပ်ရပ်ကြောင့် မန်ယူအမာခံပရိသတ်တွေကပါ ရော်နာဒိုကိုအသင်းကနေထွက်သွားဖို့ဖိအားပေးတောင်းဆိုလာကြပါတယ်။ ရော်နာဒိုဟာ အတ္တကြီးလွန်းတယ်လို့လည်း သတ်မှတ်လာကြတာပါ။ ဒါပေမဲ့ဒါဟာ စီရော်နာဒိုရဲ့အမူအကျင့်ပါပဲ။...

မေဆန်မောင့်နဲ့ပတ်သတ်ရင် အမြဲအငြင်းပွားစရာတွေရှိကြပါတယ်။ ချဲလ်ဆီးအသင်းမှာနည်းပြ လမ်းပတ်လက်ထက်ကစပြီး ဂရေဟမ်ပေါ်တာအထိ မေဆန်မောင့်ကနေရာတစ်နေရာရခဲ့ပြီး လက်ရွေးစင်အသင်းမှာလည်း ဘယ်လင်ဟမ်တို့ရှိတာတောင်မှ ဆောက်ဂိတ်ရဲ့ဦးစားပေးခြင်းခံရပါတယ်။ တချို့ကလည်း မေဆန်မောင့်ဒီလိုဦးစားပေးခံနေရတာကို သံသယရှိကြပါတယ်။ လိုတာထက်ပိုဦးစားပေးခံရတဲ့သဘောမျိုးထင်ကြတာပါ။ မေဆန်မောင့်ရဲ့ပုံစံကလည်း အငြင်းပွားစရာပါပဲ။ ကွင်းထဲမှာသူကအရမ်းထင်ပေါ်နေတဲ့‌ကစားသမားမျိုးမဟုတ်သလို ဂိုးသွင်းနှုန်း၊ ဂိုးဖန်တီးမှုနှုန်းအရမ်းများသူမဟုတ်ပါဘူး။ မန်စီးတီကဒဲဘရိုင်းနားတို့ဆိုရင် ဖန်တီးမှုမှာထင်သာမြင်သာရှိပေမယ့်...