ချယ်လ်ဆီးအသင်းဟာ ပရီးမီးယားလိဂ်ပွဲစဉ် ၃၆ အဖြစ်ကစားခဲ့တဲ့ ဝက်စ်ဟမ်းအသင်းနဲ့ပွဲစဉ်မှာ ၅ ဂိုး- ဂိုးမရှိနဲ့ ဂိုးပြတ်အနိုင်ရရှိခဲ့တာဖြစ်ပါတယ်။
ဒီပွဲမှာ ချယ်လ်ဆီးအသင်းအတွက်ဂိုးတွေကို ဂျက်ဆန်က ၂ ဂိုး၊ပယ်လ်မာ၊မာဒူကီနဲ့ ဂါလက်ဂါတို့က သွင်းယူခဲ့တာပါ။ချယ်လ်ဆီးအသင်းဟာ ဒီပွဲမှာ ဝက်စ်ဟမ်းအသင်းကို တစ်ပွဲလုံးအသာစီးနဲ့ ကစားခဲ့တာဖြစ်ပြီး ဘောလုံးပိုင်ဆိုင်မှု ၇၀ ရာခိုင်နှုန်း၊ဂိုးပေါက်ကန်သွင်းမှု ၂၅ ကြိမ်အထိရှိခဲ့ပြီး ဂိုးပေါက်တည့်မှု ၁၄ ကြိမ်အထိ ရှိခဲ့တာဖြစ်ပါတယ်။
ချယ်လ်ဆီးအသင်းအနေနဲ့ ဂိုးပေါက်တည့်မှုတွေမှာသာ ဂိုးအဖြစ်ပြောင်းလဲနိုင်မယ်ဆိုရင် ဒီထက်ပိုပြီးသွင်းဂိုးတွေရယူနိုင်မှာလည်းဖြစ်တာပါ။ချယ်လ်ဆီးအသင်းဟာ အာဆင်နယ်အသင်းကို အရေးနိမ့်ပြီးနောက်ပိုင်းကစားခဲ့တဲ့ နောက်ဆုံး ၃ ပွဲဆက်တိုက်ရှုံးပွဲမရှိခဲ့ဘဲ ဒီထဲမှာ စပါးနဲ့ ဝက်စ်ဟမ်းအသင်းတို့ကို အနိုင်ရခဲ့တဲ့ လန်ဒန်ဒါဘီပွဲစဉ်ပါဝင်ခဲ့ပါတယ်။
ချယ်လ်ဆီးအသင်းဟာ ဒီနိုင်ပွဲကြောင့် အမှတ်ပေးဇယားအဆင့် ၇ နေရာအထိ တက်နိုင်ခဲ့ပြီး ဥရောပဝင်ခွင့်မျှော်လင့်ချက်တွေရှင်သန်နေတာဖြစ်ပါတယ်။