မက်ဆီဟာ ပီအက်စ်ဂျီအသင်းမှာရှိခဲ့တဲ့ ၂ နှစ်ကို မပျော်ရွှင်ခဲ့ဘူးလို့ အင်တာမိုင်ယာမီကို ပြောင်းဖို့ အတည်ပြုပြီးနောက် ပြောလိုက်ပါတယ်။
မက်ဆီဟာ ပီအက်စ်ဂျီအသင်းနဲ့ စာချုပ်ကုန်ဆုံးခဲ့ပြီးနောက် အသင်းဟောင်း ဘာစီလိုနာအသင်းထံ ပြောင်းမယ်လို့ သတင်းတွေထွက်ခဲ့ပေမယ့် ဒေးဗစ်ဘက်ခမ်းပူးတွဲပိုင်ဆိုင်တဲ့ မေဂျာလိဂ်ကလပ် အင်တာမိုင်ယာမီအသင်းကို ပြောင်းဖို့ ဆုံးဖြတ်ခဲ့တာဖြစ်ပါတယ်။
မက်ဆီဟာ ပီအက်စ်ဂျီအသင်းမှာရှိခဲ့တဲ့ ၂ နှစ်စလုံး ချန်ပီယံလိဂ်ဖလားမရယူပေးနိုင်ခဲ့တာကြောင့် ပရိသတ်တွေရဲ့ လှောင်ပြောင်မှုကို ခံခဲ့ရပြီး ပရိသတ်တွေက မက်ဆီကို အသင်းကနေ တွန်းအားပေးခဲ့တာပါ။မက်ဆီကိုယ်တိုင်ကလည်း အိမ်ကွင်းပွဲတွေမှာ ဒီလိုကြုံတွေ့ခဲ့ရတာကို စိတ်ပျက်ပြီး စာချုပ်သစ်မချုပ်ဆိုခဲ့တာဖြစ်ပါတယ်။
မက်ဆီက “ကျွန်တော်မပျော်ရွှင်ခဲ့ရတဲ့ ၂ နှစ်ရှိခဲ့ပါတယ်။ကမ္ဘာ့ဖလားကို ရယူနိုင်ခဲ့လို့ ကျွန်တော့်အတွက် အံ့မခန်းဖြစ်ခဲ့ရပေမယ့် အဲ့ဒါကလွဲပြီး ကျန်တာက ကျွန်တော့်အတွက် ခက်ခဲတဲ့ကာလတွေဖြစ်ခဲ့ပါတယ်။ပျော်ရွှင်မှုတွေကို ပြန်လည်ရှာဖွေချင်ပါတယ်”
“ကျွန်တော့်မိသားစု၊ ကျွန်တော့်ကလေးတွေနဲ့ နေ့စဉ်ပျော်ရွှင်ချင်ပါတယ်။အဲ့ဒါကြောင့် ဘာစီလိုနာကို ပြန်ဖို့ ဆုံးဖြတ်ချက်လည်း မဖြစ်ခဲ့ပါဘူး”လို့ ဆိုခဲ့ပါတယ်။မက်ဆီဟာ ဇူလိုင်လမှာ အသင်းဖော်အသစ်တွေနဲ့ သွားရောက်ပူးပေါင်းဖို့ ရှိတယ်လို့ သိရပါတယ်။
