မေဂျာလိဂ်ကလပ် အင်တာမိုင်ယာမီအသင်းဟာ ပီအက်စ်ဂျီကနေ ထွက်ခွာခဲ့တဲ့ မက်ဆီကို ခေါ်ယူပြီးနောက် သူ့ရဲ့ အသင်းဖော်ဟောင်းတွေဖြစ်တဲ့ ဒီမာရီယာနဲ့ ဘတ်စ်ကွက်စ်တို့ကိုပါ ခေါ်ယူဖို့ စဉ်းစားနေတာဖြစ်ပါတယ်။
ဒီမာရီယာနဲ့ ဘတ်စ်ကွက်စ်တို့ဟာ ဂျုဗင်တပ်စ်၊ ဘာစီလိုနာအသင်းတို့နဲ့ စာချုပ်ကုန်ဆုံးပြီးနောက် အခုအချိန်မှာ အလွတ်ပြောင်းရွှေ့ကြေးနဲ့ ခေါ်ယူလို့ရပြီဖြစ်ပါတယ်။သူတို့ ၂ ဦးစလုံးဟာ မက်ဆီနဲ့ အတူတွဲဖက်ကစားခဲ့ကြတာဖြစ်ပြီး အဲ့ဒါကြောင့် အင်တာမိုင်ယာမီအသင်းက ထပ်ပြီးတွဲဖက်ကစားနိုင်ဖို့ စီစဉ်နေတာပါ။
အင်တာမိုင်ယာမီအသင်းဟာ ဒီမာရီယာကို ခေါ်ယူဖို့အတွက် ဘင်ဖီကာအသင်းနဲ့ယှဉ်ပြိုင်ရမှာဖြစ်ပြီး ဘတ်စ်ကွက်စ်ကိုတော့ ဆော်ဒီကလပ်တွေနဲ့ ယှဉ်ပြိုင်ရမှာပါ။မေဂျာလိဂ်ကလပ်ဟာ မက်ဆီကို ခေါ်ယူပြီးနောက် နာမည်ကျော်ကစားသမားတွေကို အသင်းထံ လာရောက်ဖို့ ဆွဲဆောင်နေတာဖြစ်ပါတယ်။
အင်တာမိုင်ယာမီအသင်းဟာ လက်ရှိအချိန်မှာ ရလဒ်တွေဆိုးရွားနေပြီး နည်းပြ ဗီးလ်နဗီးလ်ကိုတောင် ထုတ်ပယ်ထားတာပါ။အင်တာမိုင်ယာမီအသင်းဟာ မေဂျာလိဂ်ပွဲစဉ် ၁၆ပွဲကစားအပြီးမှာ ရမှတ် ၁၅ မှတ်သာ ရရှိထားတာဖြစ်ပါတယ်။
အဲ့ဒါကြောင့် မက်ဆီဟာ အင်တာမိုင်ယာမီအသင်းကို ရလဒ်ကောင်းတွေရယူနိုင်ဖို့အတွက် အဓိကထားပြီး လုပ်ဆောင်ပေးရတော့မှာဖြစ်ပါတယ်။
