ဒီမာရီယာဟာ ဂျူဗင်တပ်စ်အသင်းက နန့်တက်အသင်းကို ၃ ဂိုး- ဂိုးမရှိနဲ့ ဂိုးပြတ်အနိုင်ရခဲ့တဲ့ ယူရိုပါလိဂ်ပလေးအောဖ့်ပွဲစဉ်မှာ စီးရီးအေကလပ်ကစားသမားဘ၀ ပထမဆုံးဟတ်ထရစ်သွင်းယူနိုင်ခဲ့တာဖြစ်ပါတယ်။
ဂျူဗင်တပ်စ်အသင်းဟာ ၁ယောက်လျော့နဲ့ ကစားခဲ့ရတဲ့ နန့်တက်စ်အသင်းကို ၃ ဂိုး- ဂိုးမရှိနဲ့ အနိုင်ရခဲ့တာဖြစ်ပြီး နှစ်ကျော့ပေါင်းရလဒ် ၄ ဂိုး- ၁ ဂိုးနဲ့ ယူရိုပါလိဂ် ၁၆ သင်းအဆင့် တက်နိုင်ခဲ့တာဖြစ်ပါတယ်။
ဒါဟာ ၂၀၀၀ ခုနှစ်က ဖိလစ်ပိုအင်ဇာဂီနောက်ပိုင်း ယူအီးအက်ဖ်အေပြိုင်ပွဲရဲ့အဝေးကွင်းပွဲမှာ ဟတ်ထရစ်သွင်းနိုင်တဲ့ ပထမဆုံးဂျူဗီကစားသမားဖြစ်ခဲ့တာပါ။ပြီးခဲ့တဲ့နွေရာသီက ဂျူဗီကို အလွတ်နဲ့ ရောက်ရှိလာခဲ့တဲ့ ဒီမာရီယာဟာ အသင်းအတွက် ၂၁ ပွဲကစားအပြီးမှာ ၇ ဂိုးသွင်းယူထားတာဖြစ်ပါတယ်။
ဂျူဗင်တပ်စ်အသင်းနည်းပြ အယ်လီဂရီက “ဒီစွမ်းဆောင်ရည်ကို ကျေနပ်ပါတယ်။ပထမအကျော့ရလဒ်အပြီးမှာ ဒါဟာ လွယ်ကူတဲ့ပွဲတော့မဟုတ်ခဲ့ပါဘူး။ဒီမှာရှိတဲ့လူအုပ်ကြီးက အလွန်စိတ်အားထက်သန်နေတာပါ။ကျွန်တော်တို့ဟာ ချန်ပီယံလိဂ်ကနေ ထွက်ခဲ့ရတာကြောင့် ယူရိုပါလိဂ်မှာ ချန်ပီယံဖြစ်ဖို့ လွယ်မယ်လို့ မဆိုလိုပါဘူး”
“ကျွန်တော်တို့ စီးရီးအေမှာ လုပ်ခဲ့သလို အစွမ်းကုန်ကြိုးစားဖို့ တာဝန်ရှိပါတယ်။ဒီမာရီယာကတော့ ချန်ပီယံဖြစ်ပြီး တခြားသူတွေနဲ့မတူပါဘူး။အရာအားလုံးဟာ သူ့ဆီကနေ လွယ်လွယ်ကူကူလာပါတယ်။သူဟာ တကယ့်ချန်ပီယံအမျိုးအစားတွေထဲမှာပါဝင်တယ်လို့”ဆိုခဲ့ပါတယ်။
