ယူနိုက်တက်အသင်းဟာ ယူရိူပါလိဂ်ပလေးအောဖ့် ဒုတိယအကျော့အဖြစ် ဘာစီလိုနာအသင်းနဲ့ ကစားခဲ့ရာမှာ ၂ ဂိုး- ၁ ဂိုးနဲ့ အနိုင်ရရှိသွားခဲ့ပါတယ်။
ပထမအကျော့အဖြစ်ကစားခဲ့တုန်းက ၂ ဂိုးစီသရေကျခဲ့လို့ နှစ်ကျော့ပေါင်းရလဒ် ၄ ဂိုး- ၃ ဂိုးနဲ့ ယူနိုက်တက်အသင်းအနိုင်ရပြီး နောက်တစ်ဆင့်တက်ရောက်နိုင်ခဲ့ပြီဖြစ်ပါတယ်။ပထမအကျော့က သရေကျခဲ့လို့ ဒုတိယအကျော့ကို နှစ်သင်းစလုံးက အာရုံစိုက်ပြီးကစားဖို့ ပြင်ဆင်ခဲ့တာပါ။
ယူနိုက်တက်ကတော့ ပထမအကျော့လူစာရင်း မာလာစီယာအစား မာတီးနတ်စ်ထည့်ပြီး ကစားခဲ့တာလွဲပြီးအပြောင်းအလဲမရှိခဲ့တာဖြစ်ပါတယ်။ဘာစီလိုနာကတော့ ဂါဗီ၊ပီဒရီမပါဝင်နိုင်တဲ့နေရာမှာ အပြောင်းအလဲအနည်းငယ်ပြုလုပ်ခဲ့တာပါ။ဒီပွဲရဲ့ဦးဆောင်ဂိုးကို ဘာစီလိုနာအသင်းစတင်ရရှိခဲ့တာဖြစ်ပါတယ်။
လီဝန်ဒေါစကီးက ပင်နယ်တီကနေ ဦးဆောင်ဂိုးသွင်းယူခဲ့တာပါ။ပထမပိုင်းမှာ ဘာစီလိုနာအသင်းက ၁ ဂိုး- ဂိုးမရှိနဲ့ ဦးဆောင်ခဲ့တာဖြစ်ပါတယ်။ဒုတိယပိုင်းမှာ ယူနိုက်တက်အသင်းဟာ ဝက်ဂ်ဟော့စ်နေရာ အန်တိုနီကို ထည့်ပြီး ကစားကွက်အပြောင်းအလဲပြုလုပ်ခဲ့တာပါ။
အဲ့ဒီမှာ ယူနိုက်တက်တို့ ချေပဂိုးစတင်ရခဲ့ပြီး ဖရက်က သွင်းယူခဲ့တာဖြစ်ပါတယ်။ယူနိုက်တက်အသင်းဟာ ချေပဂိုးရပြီးနောက် ဒါလော့၊ ဂါနာချိုတို့ကို ထည့်ပြီး တိုက်စစ်မြှင်တင်ခဲ့တာပါ။အဲ့ဒါကြောင့် ပွဲချိန်မိနစ် ၇၀ ကျော်မှာ အနိုင်ဂိုးရခဲ့ပြီး အန်တိုနီက သွင်းယူသွားခဲ့တာဖြစ်ပါတယ်။
အဲ့ဒီနောက်ပိုင်းမှာ ယူနိုက်တက်အသင်းဟာ အနိုင်ရလဒ်ရအောင်ထိန်းကစားပြီး ယူရိုပါလိဂ်နောက်တစ်ဆင့်ကို တက်နိုင်ခဲ့တာဖြစ်ပါတယ်။