လေဗာကူဆင်အသင်းဟာ ရိုးမားအသင်းနဲ့ ယူရိုပါလိဂ်ဆီမီးဖိုင်နယ်ဒုတိယအကျော့ပွဲစဉ်မှာ ၂ ဂိုးစီသရေကစားပြီးနောက် ဘင်ဖီကာအသင်းတင်ရှိထားတဲ့ နှစ်ပေါင်း ၅၉ နှစ်ကြာက စံချိန်ကိုချိုးဖျက်ပြီး စံချိန်သစ်တင်နိုင်ခဲ့ပါတယ်။
လေဗာကူဆင်အသင်းဟာ ဒီပွဲမှာ မရှုံးနိမ့်ခဲ့တာကြောင့် ဒီရာသီပြိုင်ပွဲစုံရှုံးပွဲမရှိတာ ၄၉ ပွဲအထိရှိသွားခဲ့ပြီဖြစ်တာပါ။အဲ့ဒါကြောင့် လေဗာကူဆင်အသင်းဟာ ဘင်ဖီကာအသင်းရဲ့၄၈ ပွဲဆက်ရှုံးပွဲမရှိစံချိန်ကို ၁ ပွဲအသာနဲ့ ကျော်ဖြတ်ပြီး စံချိန်သစ်တင်က ဥရောပသမိုင်းမှာ ရှုံးပွဲမရှိပွဲအရေအတွက်အများဆုံးအသင်းဖြစ်လာခဲ့ပါတယ်။
လေဗာကူဆင်အသင်းဟာ ဒီရာသီကို အဆုံးသတ်ဖို့ ယူရိုပါလိဂ်ဗိုလ်လုပွဲ၊ကွန်းဖရန့်လိဂ်ဗိုလ်လုပွဲအပါအဝင် ဘွန်ဒက်လီဂါ ပွဲစဉ် ၂ ပွဲကစားဖို့ ကျန်ရှိနေသေးတာပါ။အဲ့ဒါကြောင့် ဒီဖလား ၂ လုံးကိုရယူပြီး ၄ ပွဲစလုံးကို ရှုံးပွဲမရှိအောင် ကစားနိုင်မယ်ဆိုရင် လေဗာကူဆင်အသင်းဟာ တစ်ရာသီလုံးမရှုံးဘဲ ဆုဖလား ၃ လုံးရယူနိုင်တဲ့အသင်းအဖြစ် စံချိန်သစ်တင်နိုင်မှာဖြစ်ပါတယ်။
လေဗာကူဆင်အသင်းနည်းပြဇာဘီအလွန်ဆိုက သူတို့ဟာ ဒီရာသီကို ဆုဖလား ၃ လုံးစလုံးရယူဖို့ ထိုက်တန်တယ်လို့ ပြောခဲ့ပါတယ်။