ရိုးမားအသင်းနည်းပြ မော်ရင်ဟိုဟာ ဆီဗီလာအသင်းကို အရေးနိမ့်ခဲ့တဲ့ ယူရိုပါလိဂ်ဗိုလ်လုပွဲမှာ ကိုင်တွယ်ခဲ့တဲ့ အင်္ဂလိပ်ဒိုင်လူကြီးရဲ့ ပွဲချိန်အတွင်း ဆုံးဖြတ်ချက်တွေကို ဒေါသထွက်နေခဲ့လို့ ပွဲအပြီး ကားပါကင်မှာ စောင့်ဆိုင်းနေခဲ့တာဖြစ်ပါတယ်။
ဒီပွဲမှာ ကွင်းလယ်ဒိုင်လူကြီးဟာ အဝါကတ် ၁၃ ကတ်အထိ ပြသခဲ့ပြီး မော်ရင်ဟိုကလည်း အချိန်ပိုပြီးကာနီးမှာ အဝါကတ်ပြသခံခဲ့ရပါတယ်။ဒီပွဲမှာ ဆီဗီလာကစားသမားကို ဒုတိယအဝါကတ် မပြသတဲ့အပေါ်မှာလည်း ရိုးမားကစားသမားတွေဟာ ကွင်းလယ်ဒိုင်လူကြီးရဲ့ဆုံးဖြတ်ချက်ကို စိတ်ပျက်နေခဲ့တာပါ။
အဲ့ဒါကြောင့် မော်ရင်ဟိုဟာ ပွဲအပြီး ကားပါကင်မှာ စောင့်ဆိုင်းပြီး “အရှက်မရှိတဲ့သူ၊ အရှက်မရှိဘူး”ဆိုပြီး ရေရွတ်ခဲ့သလို “ဂုဏ်ယူပါတယ်၊အရှက်မရှိတဲ့သူ”ဆိုပြီး ထပ်ပြောကာ ဒိုင်လူကြီး ကားမထွက်မချင်း ပြောနေခဲ့တာဖြစ်ပါတယ်။
မော်ရင်ဟိုဟာ အရင်တုန်းကလည်း ဒီလိုမျိုးလုပ်ဆောင်ဖူးလို့ ဒါဟာ သူ့အတွက်တော့ ပထမဆုံးအကြိမ် မဟုတ်တာပါ။မော်ရင်ဟိုကတော့ ဒီပွဲမှာ အရေးနိမ့်ခဲ့တဲ့အတွက် ပထမဆုံးအကြိမ် ဥရောပပြိုင်ပွဲတွေရဲ့ဗိုလ်လုပွဲမှာ အရေးနိမ့်ခဲ့တာလည်း ဖြစ်ပါတယ်။
ရိုးမားအသင်းဟာ လာမယ့်နှစ်ရာသီမှာလည်း ယူရိုပါလိဂ်ပြိုင်ပွဲသာ ယှဉ်ပြိုင်ရဖို့ရှိနေတာဖြစ်ပါတယ်။