အင်ဒိုနီးရှားအသင်းဟာ ကျင်းပနေတဲ့ AFC ယူ-၂၃ အာရှဖလားပြိုင်ပွဲကွာတားဖိုင်နယ်ပွဲစဉ်မှာ တောင်ကိုရီးယားအသင်းကို ပင်နယ်တီအဆုံးအဖြတ်နဲ့ အနိုင်ရပြီး ဆီမီးဖိုင်နယ်တက်နိုင်ခဲ့တာကြောင့် ပဲရစ်အိုလံပစ်ပြိုင်ပွဲယှဉ်ပြိုင်ခွင့်ရဖို့အတွက် ခြေတစ်လှမ်းသာလှမ်းဖို့လိုတော့တာဖြစ်ပါတယ်။
အင်ဒိုနီးရှားအသင်းဟာ ကွာတားဖိုင်နယ်ပွဲစဉ်မှာ တောင်ကိုရီးယားအသင်းနဲ့ ပွဲချိန်အတွင်းရော အချိန်ပိုမှာ ၂ ဂိုးစီသရေကျခဲ့တာကြောင့် ပင်နယ်တီအဆုံးအဖြတ်ခံယူခဲ့ရတာပါ။ပင်နယ်တီမှာ အင်ဒိုနီးရှားအသင်းက ၁၁ ဂိုး-၁၀ ဂိုးန့ အနိုင်ရပြီး ဆီမီးဖိုင်နယ်တက်ခဲ့တာဖြစ်ပါတယ်။ဒီပြိုင်ပွဲရဲ့ထိပ်ဆုံး ၃ သင်းဟာ လာမယ့်အိုလံပစ်ပြိုင်ပွဲကို တိုက်ရိုက်ဝင်ခွင့်ရရှိမှာပါ။
စတုတ္ထရတဲ့အသင်းကတော့ အာဖရိကက ဂီနီအသင်းနဲ့ ပလေးအောဖ့်ယှဉ်ပြိုင်ရမှာဖြစ်ပါတယ်။အဲ့ဒါကြောင့် အင်ဒိုနီးရှားအသင်းဟာ အိုလံပစ်ဝင်ခွင့်ရဖို့ နီးစပ်နေပြီး ဆီမီးဖိုင်နယ်ပွဲစဉ်မှာအနိုင်ရတာနဲ့ သေချာပေါက်ဝင်ခွင့်ရရှိတော့မှာပါ။အင်ဒိုနီးရှားဘောလုံးအဖွဲ့ချုပ်နဲ့ ပရိသတ်တွေဟာ အင်ဒိုနီးရှားယူ-၂၃ အသင်းကို ချီးကျူးမှုတွေပြုလုပ်ခဲ့ကြတာဖြစ်ပါတယ်။
အင်ဒိုနီးရှားအသင်းဟာ ဆီမီးဖိုင်နယ်ပွဲစဉ်မှာ ဥဇဘတ်ကစ္စတန်နဲ့ ဆော်ဒီအသင်းတို့ပွဲစဉ်က အနိုင်ရတဲ့အသင်းနဲ့ ယှဉ်ပြိုင်ရမှာဖြစ်ပါတယ်။
