ပီအက်စ်ဂျီအသင်းဟာ လန်းစ်အသင်းကို ၃ ဂိုး- ၁ ဂိုးနဲ့ အနိုင်ရပြီး ရာသီသစ် ပြင်သစ်လီဂူးဝမ်းပြိုင်ပွဲမှာ ပထမဆုံးနိုင်ပွဲ ရရှိသွားခဲ့ပြီဖြစ်ပါတယ်။
ပီအက်စ်ဂျီအသင်းနဲ့ အနာဂတ်အဆင်မပြေဖြစ်နေတဲ့ ဘတ်ပီဟာ ဒီပွဲမှာ ပြင်သစ်ကလပ်ရဲ့ပွဲထွက်လူစာရင်းမှာ ပါဝင်ခဲ့ပြီးခြေစွမ်းပြသနိုင်ခဲ့တာပါ။ပီအက်စ်ဂျီအတွက်ဂိုးတွေကို ဘတ်ပီက ၂ ဂိုး၊အဆန်စီယိုက ၁ ဂိုးသွင်းပြီး လန်းစ်အတွက်ချေပဂိုးကို ဂူလာဗိုဂွီက သွင်းယူခဲ့တာဖြစ်ပါတယ်။
နွေရာသီက ရီးရယ်လ်အသင်းနဲ့ စာချုပ်ကုန်ဆုံးပြီးနောက် ရောက်ရှိလာခဲ့တဲ့ အဆန်စီယိုအတွက် ပီအက်စ်ဂျီကစားသမားဘဝပထမဆုံးဂိုးကို သွင်းယူနိုင်ခဲ့တာဖြစ်ပြီး ဘတ်ပီဟာ ပြင်သစ်ကလပ်အတွက် ၂ ပွဲပါဝင်ကစားအပြီးမှာ ၃ ဂိုးအထိ သွင်းယူထားတာပါ။
ပီအက်စ်ဂျီအသင်းဟာ ရာသီသစ်လီဂူးဝမ်း ၃ ပွဲကစားအပြီးမှာ ရမှတ် ၅ မှတ်ရရှိထားပြီး အမှတ်ပေးဇယားအဆင့် ၅ နေရာမှာ ရပ်တည်နေတာဖြစ်ပါတယ်။လီဂူးဝမ်းအမှတ်ပေးဇယားကို မိုနာကိုနဲ့ မာဆေးလ်အသင်းတို့က ရမှတ် ၇ မှတ်စီရယူပြီး ဦးဆောင်နေတာဖြစ်ပါတယ်။