ပီအက်စ်ဂျီအသင်းနဲ့ လာမယ့်ရာသီအကုန်မှာ စာချုပ်ကုန်ဆုံးမယ့် ဘတ်ပီက စာချုပ်ကုန်ဆုံးမယ့် အချိန်မှသာ အနာဂတ်ကို ဆုံးဖြတ်မယ်လို့ ပြောခဲ့ပါတယ်။
ဘတ်ပီဟာ ပီအက်စ်ဂျီအသင်းနဲ့ နောက်ထပ်တစ်နှစ် စာချုပ်သက်တမ်းမတိုးတော့တာကြောင့် ၂၀၂၄ နွေရာသီမှာ စာချုပ်ကုန်ဆုံးမှာပါ။အဲ့ဒါကြောင့် ကစားသမားရဲ့အနာဂတ်ကို အားလုံးက စိတ်ဝင်စားနေကြပါတယ်။
အခုအချိန်မှာ ဘတ်ပီဟာ လာမယ့်ရာသီ ပီအက်စ်ဂျီကနေ ထွက်ခွာမှာမဟုတ်ဘူးလို့ အခိုင်အမာပြောခဲ့သလို သူ့အနာဂတ်ကို ဘယ်အချိန်မှာ ဆုံးဖြတ်မလဲဆိုတာကိုပါ ပြောလာခဲ့ပါတယ်။
ဘတ်ပီက”ကျွန်တော် ပီအက်စ်ဂျီမှာ ဆက်ရှိမှာဖြစ်ပြီး ၂၀၂၄ မှာ အနာဂတ်ကိုဆုံးဖြတ်မှာပါ။ပီအက်စ်ဂျီလိုအသင်းမှာ တစ်နှစ်အတွင်း အရာများစွာဖြစ်ပေါ်လာနိုင်ပါတယ်”လို့ ပြောခဲ့ပါတယ်။
ဘတ်ပီဟာ လက်ရှိအချိန်မှာ ပြင်သစ်လက်ရွေးစင်အသင်းနဲ့ ယူရို ၂၀၂၄ ခြေစစ်ပွဲကစားဖို့ လေ့ကျင့်နေပြီး ပြီးခဲ့တဲ့ ဂျီဘရောလ်တာကို အနိုင်ရတဲ့ပွဲမှာ ၁ ဂိုးသွင်းယူခဲ့ပါတယ်။
