ယူနိုက်တက်အသင်းဟာ ရက်ရှ်ဖိုဒ့်ကို အခုရရှိနေတဲ့ လုပ်ခလစာထက် ၂ ဆနီးပါးပေးပြီး စာချုပ်သစ်ချုပ်ဆိုဖို့ ရှိလို့ ရက်ရှ်ဖိုဒ့်ဟာ အသင်းမှာ လုပ်ခလစာအများဆုံးရ ကစားသမားဖြစ်လာဖို့ ရှိနေပါတယ်။
ယူနိုက်တက်အသင်းဟာ စာချုပ်ပါအချက်ကို အသက်သွင်းခဲ့တာကြောင့် ရက်ရှ်ဖိုဒ့်ဟာ အသင်းမှာ နောက်ထပ်တစ်ရာသီဆက်ရှိနေမှာပါ။ဒါပေမယ့် ယူနိုက်တက်အသင်းဟာ ရက်ရှ်ဖိုဒ့်ကို ၅ နှစ်သက်တမ်းတိုးဖို့ လုပ်ဆောင်နေတာဖြစ်ပါတယ်။
စာချုပ်သက်တမ်းတိုးခဲ့ရင် ရက်ရှ်ဖိုဒ့်ဟာ ယူနိုက်တက်အသင်းမှာ အခုရနေတဲ့ လုပ်ခလစာ တစ်ပတ်ပေါင် ၂ သိန်းအစား တစ်ပတ်ပေါင် ၃ သိန်း ၇ သောင်း ၅ ထောင်ရရှိမှာပါ။
ဒါဟာ အခုလအကုန်မှာ အသင်းနဲ့ စာချုပ်ကုန်ဆုံးမယ့် ဂိုးသမား ဒီဂီယာရနေတဲ့ လုပ်ခလစာဖြစ်ပြီး အသင်းဘက်က ဒီဂီယာနဲ့ ရက်ရှ်ဖိုဒ့်ရဲ့လုပ်ခလစာကို အလဲအလှယ်ပြုလုပ်ချင်နေတာဖြစ်ပါတယ်။
ဒီဂီယာကို ယူနိုက်တက်က စာချုပ်သစ်ချုပ်ဖို့ ကမ်းလှမ်းထားပြီး အခုရနေတဲ့လစာထက် အများကြီးလျော့တဲ့ လစာပမာဏကို စာချုပ်သစ်ချုပ်ရင်ပေးဖို့ လုပ်နေလို့ ကြန့်ကြာနေတာဖြစ်ပါတယ်။့
