ရာမို့စ်ဟာ ပီအက်စ်ဂျီအသင်းမှာ ၂ ရာသီကြာကစားပြီးနောက် အခုရာသီအကုန်မှာ အသင်းကနေ ထွက်ခွာတော့မှာ ဖြစ်ပါတယ်။
ရာမို့စ်ဟာ မက်ဆီလိုပဲ အခုရာသီအကုန်မှာ ပီအက်စ်ဂျီအသင်းနဲ့ စာချုပ်ကုန်ဆုံးတော့မှာပါ။၂၀၂၁ က ရီးရယ်လ်နဲ့ စာချုပ်ကုန်ဆုံးပြီးနောက် ပီအက်စ်ဂျီကို ရောက်ရှိလာခဲ့တဲ့ ရာမို့စ်ဟာ ပထမရာသီကို ဒဏ်ရာတွေနဲ့ ဖြတ်သန်းခဲ့ရတာပါ။
ဒုတိယရာသီမှာတော့ ရာမို့စ်ဟာ အသင်းအတွက် အကောင်းဆုံးကစားပေးနိုင်ခဲ့ပေမယ့် ပီအက်စ်ဂျီအသင်းလိုချင်နေတဲ့ ချန်ပီယံလိဂ်ဖလားတော့ ရအောင်မယူပေးနိုင်ခဲ့တာပါ။ရာမို့စ်ဟာ ပီအက်စ်ဂျီအသင်းနဲ့အတူ လီဂူးဝမ်းဖလား ၂ ကြိမ်ရယူနိုင်ခဲ့တာဖြစ်ပါတယ်။
ရာမို့စ်က “မနက်ဖြန်ကတော့ အထူးနေ့ပါပဲ၊
မနက်ဖြန်ကတော့ ကျွန်တော့်ဘဝရဲ့နောက်တစ်ဆင့်ဖြစ်တဲ့ ပီအက်စ်ဂျီကို နှုတ်ဆက်ရတော့မှာပါ။ပြိုင်ပွဲတိုင်းကို ပါဝင်ကစားခဲ့ပြီး အရာအားလုံးကိုပေးခဲ့တဲ့ ၂ နှစ်တာအတွက် အားလုံးကို ကျေးဇူးတင်ပါတယ်”လို့ ဆိုခဲ့ပါတယ်။
ရာမို့စ်ဟာ ကလားမောင့်နဲ့ပွဲမှာ ပီအက်စ်ဂျီပရိသတ်တွေကို နှုတ်ဆက်မှာဖြစ်ပြီး ဆော်ဒီကလပ်အသင်းတွေရဲ့ချိတ်ဆက်မှုတွေ ခံခဲ့ရတယ်လို့ သိရပါတယ်။