အမှားအယွင်းပြုလုပ်ခဲ့တဲ့ VAR ဒိုင်လူကြီးကို အရေးယူမှုစတင်လုပ်ခဲ့တဲ့ ပရီးမီးယားလိဂ်

ပြီးခဲ့တဲ့ အပတ်ကကစားခဲ့တဲ့ ပရီးမီးယားလိဂ်ပွဲစဉ်မှာ အမှားအယွင်းကြီးကြီးမားမား ပြုလုပ်ခဲ့တဲ့ ဂျွန်ဘရွတ်ခ်စ်ကို လီဗာပူးလ်နဲ့ အဲဗာတန်၊အာဆင်နယ်နဲ့ မန်စီးတီးအသင်းတို့ပွဲမှာ VAR ဒိုင်လူကြီးအဖြစ် တာဝန်ပေးထားတာကနေ ဖယ်ရှားလိုက်တာဖြစ်ပါတယ်။

ဂျွန်ဘရွတ်ခ်ဟာ ပဲလေ့စ်နဲ့ ဘရိုက်တန်အသင်းတို့ ၁ ဂိုးစီသရေကျခဲ့တဲ့ပွဲမှာ အမှားအယွင်းပြုလုပ်ခဲ့တာဖြစ်ပါတယ်။ဂျွန်ဘရွတ်ခ်ဟာ VAR ပြသတဲ့ လိုင်းတွေကို မှားယွင်းစွာရေးဆွဲခဲ့ပြီး ဘရိုက်တန်အသင်းသွင်းယူခဲ့တဲ့ ဂိုးကို လူကျွံဘောဖြစ်တယ်ဆိုပြီး ခွင့်မပြုခဲ့တာပါ။

အဲ့ဒါကြောင့် ဒိုင်အရာရှိချုပ် ဟောင်းဝါတ့်ဝက်ဘ်က အရေးပေါ်အစည်းအဝေးခေါ်ပြီး တောင်းပန်ခဲ့တာဖြစ်ပါတယ်။ဂျွန်ဘရွတ်ခ်ရဲ့နေရာမှာ မာရီနာနဲ့ ဒေးဗစ်ကုတ်တို့က တာဝန်ယူသွားမှာဖြစ်ပါတယ်။

ပြီးခဲ့တဲ့ အာဆင်နယ်နဲ့ ဘရန်ဖိုဒ့်တို့ပွဲစဉ်မှာလည်း ဘရန်ဖိုဒ့်သွင်းယူခဲ့တဲ့ ချေပဂိုးဟာ လူကျွံဘောဖြစ်ပေမယ့် ခွင့်ပြုခဲ့တာပါ။

VAR ဒိုင်လူကြီး လီးမာဆင်ဟာ လူကျွံဘောဖြစ်၊မဖြစ်စစ်ဆေးတဲ့ လိုင်းကို ထည့်မသွင်းခဲ့တာကြောင့် ဘရန်ဖိုဒ့်ရဲ့ဂိုးကို ခွင့်ပြုခဲ့ရတာဖြစ်ပါတယ်။

VAR ဟာ ပရီးမီးယားလိဂ်မှာ စပြီးသုံးကတည်းက အမှားအယွင်းအမျိုးမျိုးတွေကြောင့် အပတ်တိုင်းလိုလိုဝေဖန်မှုတွေအများအပြားရင်ဆိုင်ခဲ့ရတာဖြစ်ပါတယ်။