မက်ဆီဟာ အင်တာမိုင်ယာမီအသင်းက နယူးအင်္ဂလန်အသင်းကို ၄ ဂိုး-၁ ဂိုးနဲ့ အနိုင်ရခဲ့တဲ့ မေဂျာလိဂ်ပွဲစဉ်မှာ အသင်းအတွက် ၂ ဂိုးသွင်းပြီး ၂ ဂိုးဖန်တီးခဲ့တာဖြစ်ပါတယ်။
မက်ဆီဟာ အင်တာမိုင်ယာမီအသင်းအနိုင်ရရှိခဲ့တဲ့ မေဂျာလိဂ်နောက်ဆုံး ၃ ပွဲစလုံးမှာ သွင်းဂိုးရော ဂိုးဖန်တီးမှုရော ပြုလုပ်ခဲ့ပြီး အသင်းအတွက် ခြေစွမ်းပြသနေတာပါ။အင်တာမိုင်ယာမီအသင်းဟာ နောက်ဆုံး ၃ ပွဲဆက်တိုက်အနိုင်ရရှိခဲ့တာကြောင့် မေဂျာလိဂ်အမှတ်ပေးဇယားကို ဦးဆောင်နေတာဖြစ်ပါတယ်။
မက်ဆီကလည်း ဒီရာသီမှာ အင်တာမိုင်ယာမီအသင်းအတွက် မေဂျာလိဂ်သွင်းဂိုး ၉ ဂိုးအထိရရှိထားပြီး ဂိုးဖန်တီးမှု ၇ ဂိုးအထိပြုလုပ်ထားတာပါ။မက်ဆီဟာ မေဂျာလိဂ်ပွဲစဉ် ၇ ပွဲကစားပြီး ဂိုးပါဝင်ပတ်သက်မှု ၁၆ ဂိုးအထိရယူနိုင်ခဲ့တဲ့ ပထမဆုံးကစားသမားအဖြစ် စံချိန်တင်နိုင်ခဲ့တာဖြစ်ပါတယ်။