ရော်နယ်ဒိုက ဒီရာသီ ယူနိုက်တက်အသင်းရဲ့ပွဲအများစုကို ပွဲအစကတည်းက ပါဝင်ဖို့ အဆင်သင့်ဖြစ်နေပြီလို့ နည်းပြ တန်ဟတ်က ပြောလိုက်ပါတယ်။
ပြီးခဲ့တဲ့ အပြောင်းအရွှေ့မှာ ယူနိုက်တက်ကနေ ထွက်ခွာချင်ခဲ့တဲ့ ရော်နယ်ဒိုဟာ ယူနိုက်တက်အသင်းအနိုင်ရခဲ့တဲ့ ပရီးမီးယားလိဂ် ၄ ပွဲဆက်တိုက် အရန်လူစာရင်းကနေ လူစားဝင်ကစားသမားအဖြစ်သာ ပါဝင်ခဲ့ရတာပါ။
ရော်နယ်ဒိုဟာ အခုအချိန်မှာ ကြံခိုင်မှုပြည့်ဝနေပြီဖြစ်တာကြောင့် ယူနိုက်တက်အသင်းအတွက် ပုံမှန်ပွဲထွက်ခွင့်ရဖို့ အဆင်သင့်ဖြစ်နေပြီလို့ နည်းပြ တန်ဟတ်က ယုံကြည်နေတာဖြစ်ပါတယ်။
အဲရစ်တန်ဟတ်က “ရော်နယ်ဒိုဟာ ဘရန်ဖိုဒ့်နဲ့ ပွဲမှာ ပွဲစကတည်းက ပါဝင်ခွင့်ရခဲ့ပြီး အဲ့ဒီနောက်ပိုင်းမှာ မပါရတော့ပါဘူး။ဒါပေမယ့် အခု သူစတင်ဖို့ အဆင်သင့်ဖြစ်နေပါပြီ”
“ဟုတ်ပါတယ်။သူဟာ အခု ပွဲစဉ်အများစုကို ပွဲစကတည်းက ပါဝင်နိုင်တော့မှာပါ”လို့ ဆိုခဲ့ပါတယ်။ရော်နယ်ဒိုဟာ လက်ရှိအချိန်မှာ ယူနိုက်တက်အသင်းနဲ့ ယူရိုပါလိဂ်ပွဲစဉ်အဖြစ် ဆိုစီဒက်နဲ့ ကစားဖို့ လေ့ကျင့်နေတာပါ။
ရော်နယ်ဒိုဟာ နှစ်ပေါင်း ၂၀ နီးပါးအတွင်း ပထမဆုံးအဖြစ် ယူရိုပါလိဂ်ပြိုင်ပွဲမှာ ယှဉ်ပြိုင်ရမှာဖြစ်ပါတယ်။
