အာဆင်နယ်အသင်းဟာ ဒီမနက်ပိုင်းကကစားခဲ့တဲ့ ပရီးမီးယားလိဂ်ပွဲစဉ်မှာ အဲဗာတန်အသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။
အာဆင်နယ်အသင်းဟာ ပြီးခဲ့တဲ့လက တွေ့ဆုံခဲ့တဲ့ပွဲမှာ အဲဗာတန်အသင်းကို ၁ ဂိုး- ဂိုးမရှိနဲ့ အရေးနိမ့်ခဲ့တာကို ရှုံးကြွေးပြန်ဆပ်နိုင်ခဲ့တာလည်းဖြစ်ပါတယ်။အာဆင်နယ်အသင်းအတွက်ဂိုးတွေကို မာတင်နယ်လီက ၂ ဂိုးသွင်းပြီး ဆာကာနဲ့ အိုဒီဂတ်က ၁ ဂိုးစီသွင်းယူခဲ့တာဖြစ်ပါတယ်။
အာဆင်နယ်အသင်းဟာ ဒီနိုင်ပွဲကြောင့် ဒုတိယနေရာက မန်စီးတီးအသင်းကို ပွဲအရေအတွက်တူသွားပြီးအချိန်မှာ ရမှတ် ၅ မှတ်အထိအသာရကာ အမှတ်ပေးဇယားကို ပြတ်ပြတ်သားသား ဦးဆောင်နိုင်လိုက်ပြီဖြစ်ပါတယ်။အဲဗာတန်အသင်းကတော့ ဒီရှုံးပွဲကြောင့် တန်းဆင်းဇုန်အဆင့် ၁၈ နေရာကို ရောက်ရှိသွားခဲ့တာပါ။
အဲဗာတန်အသင်းဟာ ရှောင်ဒိုက်လက်ထက် ၅ ပွဲမှာ ၂ ပွဲနိုင် ၃ ပွဲရှုံးနိမ့်တဲ့ရလဒ်ထွက်ပေါ်ထားကာ အဝေးကွင်းမှာ ရလဒ်ဆိုးနေတာကို ဆက်ပြီးထိန်းနိုင်ခဲ့တာဖြစ်ပါတယ်။
အာဆင်နယ်အသင်းဟာ အခုလာမယ့်အပတ်မှာ ပရီးမီးယားလိဂ်ပွဲစဉ်အဖြစ် ဘုန်းမောက်အသင်းနဲ့ ယှဉ်ပြိုင်ရမှာဖြစ်ပြီး အဲဗာတန်ကတော့ နော်တင်ဟမ်ဖောရက်စ်အသင်းနဲ့ ယှဉ်ပြိုင်ရမှာဖြစ်ပါတယ်။