ယူနိုက်တက်နည်းပြ အဲရစ်တန်ဟတ်က ဝက်စ်ဟမ်းအသင်းကို ၃ ဂိုး- ၁ ဂိုးနဲ့အနိုင်ရပြီး အက်ဖ်အေဖလားပြိုင်ပွဲမှာ ကွာတားဖိုင်နယ်တက်နိုင်ခဲ့ပြီးနောက် အသင်းဟာ ရှုံးနိမ့်တာကို မုန်းတီးနေတာလို့ပြောလိုက်ပါတယ်။
ယူနိုက်တက်အသင်းဟာ ဒီပွဲမှာ ဝက်စ်ဟမ်းအသင်းကို ဦးဆောင်ဂိုးပေးခဲ့ရပေမယ့် အနောက်ကနေ လိုက်ကစားပြီး ဝက်စ်ဟမ်းနောက်ခံလူရဲ့ကိုယ်ဂိုးကိုယ်သွင်းယူခဲ့တာကြောင့် သရေကျခဲ့ပါတယ်။ဒါပေမယ့် ပွဲပြီးကာနီးမှာ ဂါနာချိုနဲ့ ဖရက်ဒ်တို့က အနိုင်ဂိုးသွင်းပေးခဲ့လို့ ယူနိုက်တက်အသင်းအနိုင်ရခဲ့ပါတယ်။
အဲရစ်တန်ဟတ်က “နောက်တစ်ကြိမ်ပြောရမယ်ဆိုရင် ဒီအသင်းက ရှုံးရတာကို မုန်းတီးနေတာပါ။ကျွန်တော်တို့ ဘာစီလိုနာနဲ့ပွဲမှာ ဒီလိုမျိုးလုပ်ဆောင်ခဲ့သလို အခုလည်း လုပ်ဆောင်နိုင်ခဲတာဖြစ်ပါတယ်။ဒီအသင်းဟာ ရုံးရတာကို မုန်းတီးပြီးပြန်တိုက်ပွဲဝင်တယ်”လို့ဆိုခဲ့တာဖြစ်ပါတယ်။
ယူနိုက်တက်အသင်းဟာ မကြာသေးခင်က ကာရာဘောင်းဖလားပြိုင်ပွဲမှာ ချန်ပီယံဖြစ်ပြီးနောက် လက်ရှိအချိန်မှာ နောက်ထပ်ပြိုင်ပွဲ ၃ ခုမှာလည်း ချန်ပီယံဖြစ်နိုင်တဲ့လမ်းကြောင်းပေါ်မှာ ရှိနေတာပါ။ယူနိုက်တက်အသင်းဟာ အက်ဖ်အေဖလားကွာတားဖိုင်နယ်မှာ ဖူလ်ဟမ်အသင်းနဲ့ ယှဉ်ပြိုင်ရမှာဖြစ်ပါတယ်။
ယူနိုက်တက်အသင်းဟာ ဒီတစ်ပတ်မှာတော့ ပရီးမီးယားလိဂ်ပွဲကြီးပွဲကောင်းအဖြစ် လီဗာပူးလ်အသင်းနဲ့ အဝေးကွင်းပွဲစဉ်ယှဉ်ပြိုင်ရမှာဖြစ်ပါတယ်။
