မန်စီးတီးအသင်းနည်းပြ ဂွာဒီယိုလာက စပါးအသင်းကို အနိုင်ရခဲ့တဲ့ပွဲမှာ အသင်းအတွက် အရေးပါတဲ့ ဂိုးကာကွယ်မှုကို ပြုလုပ်နိုင်ခဲ့တဲ့ ဂိုးသမား အော်တီဂါကို နည်းပြ ဂွာဒီယိုလာက ချီးကျူးသွားခဲ့ပါတယ်။
အော်တီဂါဟာ အဓိက ဂိုးသမားဖြစ်တဲ့ အီဒါဆန်ဒဏ်ရာရသွားခဲ့တာကြောင့် ဒီပွဲမှာ မန်စီးတီးအသင်းအတွက်လူစားဝင်အဖြစ်ပါဝင်ခဲ့ရတာပါ။အော်တီဂါဟာ ဟာလန်းအသင်းအတွက် ပင်နယ်တီကနေ ဒုတိယဂိုးမသွင်းခင်အချိန်မှာ ဆွန်ဟောင်မင်ကန်သွင်းတဲ့ ဂိုးဝင်နိုင်တဲ့ အခွင့်အရေးကို ကာကွယ်မှုပြုလုပ်သွားခဲ့တာဖြစ်ပါတယ်။
ဒီကာကွယ်မှုဟာ မန်စီးတီးအသင်းအတွက် ပရီးမီးယားလိဂ်ဖလားကို ၄ နှစ်ဆက်တိုက်ရယူနိုင်ဖို့ နီးစပ်သွားစေခဲ့တာပါ။အဲ့ဒါကြောင့် ပွဲအပြီးမှာ တစ်သင်းလုံးက အော်တီဂါကို ချီးကျူးခဲ့သလို နည်းပြ ဂွာဒီယိုလာကလည်း ချီးကျူးမှုပြုလုပ်ခဲ့တာဖြစ်ပါတယ်။
ဂွာဒီယိုလာက “၁ ယောက်ချင်းစီတွေ့တဲ့အချိန်မှာ အော်တီဂါဟာ ကျနော်မြင်တွေ့ဖူးသမျှထဲမှာ အကောင်းဆုံးဂိုးသမားတွေထဲက တစ်ဦးပါ။သူဟာ အလွန်ကောင်းမွန်တဲ့ ကာကွယ်မှုပြုလုပ်ခဲ့ပြီး ဒီလိုသာမလုပ်နိုင်ရင် အာဆင်နယ်အသင်းဟာ ပရီးမီးယားလိဂ်ချန်ပီယံဖြစ်သွားမှာပါ”လို့ ဆိုခဲ့ပါတယ်။
မန်စီးတီးအသင်းဟာ ဒီပွဲအနိုင်ရရှိခဲ့တာကြောင့် အဆင့် ၂ နေရာက အာဆင်နယ်အသင်းကို ၂ မှတ်အသာရသွားခဲ့ပြီး နောက်ဆုံးပွဲစဉ်ဖြစ်တဲ့ ဝက်စ်ဟမ်းအသင်းနဲ့ပွဲမှာ အနိုင်ရရင် ပရီးမီးယားလိဂ်ချန်ပီယံဆုကို ၄ နှစ်ဆက်တိုက်ရရှိတော့မှာဖြစ်ပါတယ်။
