ဒီမနက်ပိုင်းက ကစားခဲ့တဲ့ ဘာစီလိုနာအသင်းက ဆီဗီလာအသင်းကို ၁ ဂိုး- ဂိုးမရှိနဲ့ အနိုင်ရခဲ့တဲ့ စပိန်လာလီဂါပွဲစဉ်မှာ ရာမို့စ်ဟာ ဆီဗီလာအတွက် ကိုယ့်ဂိုးကိုယ်သွင်းယူပြီး ဘာစီလိုနာအသင်းကို အနိုင် ၃ မှတ်ပေးခဲ့ရပါတယ်။
ပီအက်စ်ဂျီအသင်းနဲ့ စာချုပ်ကုန်ဆုံးခဲ့ပြီးနောက် ဆီဗီလာအသင်းထံ ပြန်ရောက်လာခဲ့တဲ့ ရာမို့စ်ဟာ ဘာစီလိုနာအသင်းနဲ့ စံချိန်တင်လာလီဂါပွဲစဉ်ပေါင်း ၃၄ ပွဲအဖြစ် ဒီပွဲမှာ ပါဝင်ကစားသွားခဲ့တာပါ။ရာမို့စ်ဟာ ဒီပွဲမှာ အကောင်းဆုံးကစားနေခဲ့ပေမယ့် ယာမဲလ်ရဲ့ခေါင်းတိုက်ချက်ကို ဖျက်ထုတ်ရင်းနဲ့ ကိုယ့်ဂိုးကိုယ်သွင်းယူမိသွားခဲ့တာဖြစ်ပါတယ်။
ဘာစီလိုနာအသင်းဟာ ဒီပွဲမှာ အနိုင်ရဖို့ ထိုက်တန်ခဲ့တာဖြစ်ပြီး ဂျာအိုဖိလစ်ရဲ့ပထမပိုင်းကန်ချက်ဟာ ဂိုးဘားတန်းထိပြီး ပြန်ထွက်လာခဲ့တာကြောင့် နစ်နာခဲ့ရတာပါ။ဒီပွဲမှာ ဆီဗီလာရဲ့ကိုယ်စားလှယ်တွေဟာ ဘာစီလိုနာအသင်းရဲ့VIP ဧရိယာမှာ တစ်ဦးမှမရှိခဲ့ဘဲ ဘာစီလိုနာရဲ့အဂတိလိုက်စားမှုလုပ်ရပ်ကို ဆန္ဒပြခဲ့တာဖြစ်ပါတယ်။
ဒီပွဲမှာ အနိုင်ရခဲ့တဲ့ ဘာစီလိုနာအသင်းဟာ လာလီဂါပြိုင်ပွဲရဲ့အမှတ်ပေးဇယားထိပ်ဆုံးနေရာကို ပြန်တက်လှမ်းနိုင်ခဲ့ပါတယ်။