ယူနိုက်တက်အသင်းကနေ အပြောင်းအရွှေ့နောက်ဆုံးနေ့က ရောက်ရှိလာခဲ့တဲ့ တိုက်စစ်မှူး ဂရင်းဝုဒ်ဟာ အသင်းသစ် ဂီတာဖေးအသင်းနဲ့ လေ့ကျင့်မှုတွေစတင်ခဲ့ပြီဖြစ်ပါတယ်။
ဂရင်းဝုဒ်ဟာ အသင်းဖော်တွေနဲ့အတူ ပရိသတ်တွေရဲ့ရှေ့မှာ လေ့ကျင့်မှုတွေပြုလုပ်ခဲ့တာဖြစ်ပြီး ပရိသတ်တွေရဲ့ကြိုဆိုမှုကို ခံခဲ့ရတာပါ။့ဂီတာဖေးအသင်းကို အငှားနဲ့ ရောက်ရှိလာခဲ့တဲ့ ဂရင်းဝုဒ်ဟာ လေ့ကျင့်မှုတွေပြုလုပ်ဖို့ ကွင်းထဲဝင်ရောက်လာချိန်မှာ ပရိသတ်တွေက ငါတို့ မင်းကိုချစ်တယ်ဆိုပြီး အော်ဟစ်ခဲ့ကြတာဖြစ်ပါတယ်။
ဂရင်းဝုဒ်ဟာ လေ့ကျင့်ခန်းအစီအစဉ်မှာလည်း ကောင်းမွန်စွာလုပ်ဆောင်နိုင်ခဲ့တာကြောင့် ပရိသတ်တွေရဲ့အားပေးမှုတွေကို ရရှိခဲ့ပါတယ်။ပရိသတ်တွေဟာ ဂရင်းဝုဒ်ကျောနံပတ်နဲ့ နာမည်ပါ ဂျာစီတွေကို ဝတ်ဆင်လာခဲ့ကြသလို ပရိသတ်အချို့က ဂရင်းဝုဒ်ဆီကနေ ဂျာစီတောင်းဆိုခဲ့ကြတာဖြစ်ပါတယ်။
ဂရင်းဝုဒ်ဟာ အသင်းဖော်တွေနဲ့ လေ့ကျင့်မှုမပြုလုပ်တာ ကြာပြီဖြစ်ပေမယ့် သူ့ရဲ့အရည်အသွေးတွေကြောင့် လာမယ့်နိုင်ငံတကာပွဲစဉ်အပြီးမှာ ကစားမယ့် စပိန်လာလီဂါပွဲစဉ်မှာ ဂီတာဖေးအသင်းအတွက် ပွဲဦးထွက်အဖြစ် ပါဝင်ခွင့်ရဖွယ်ရှိနေပါတယ်။