လီဗာပူးလ်အသင်းတိုက်စစ်မှူး ဆာလတ်ဟာ တူးလော့စ်အသင်းကို ၅ ဂိုး- ၁ ဂိုးနဲ့ အနိုင်ရခဲ့တဲ့ ယူရိုပါလိဂ်အုပ်စုအဆင့်ပွဲစဉ်မှာ လီဗာပူးလ်အသင်းအတွက် နောက်ဆုံးဂိုးသွင်းယူခဲ့ပြီးနောက် စံချိန်သစ်တင်နိုင်ခဲ့ပါတယ်။
ဒါကတော့ ဆာလတ်ာ အာဆင်နယ်အသင်းဂန္ထဝင် အွန်နရီရဲ့ဥရောပသွင်းဂိုးအများဆုံးကစားသမားဆိုတဲ့ စံချိန်ကို ချိုးဖျက်နိုင်ခဲ့တာပါ။အွန်နရီဟာ ၂၀၀၆ ခုနှစ်က ဥရောပပြိုင်ပွဲတွေမှာ သွင်းဂိုး ၄၂ ဂိုးသွင်းယူပြီး ပရီးမီးယားလိဂ်မှာ ဥရောပသွင်းဂိုးအများဆုံးသွင်းယူနိုင်တဲ့သူအဖြစ် စံချိန်တင်ထားတာဖြစ်ပါတယ်။
ဒါကို ဆာလတ်က ၁ ဂိုးအသာ ၄၃ ဂိုးနဲ့ အွန်နရီရဲ့စံချိန်ကို ကျော်ဖြတ်ပြီး ပရီးမီးယားလိဂ်ရဲ့ဥရောပသွင်းဂိုးအများဆုံးသွင်းယူနိုင်တဲ့သူအဖြစ် စံချိန်သစ်တင်နိုင်ခဲ့တာပါ။ဆာလတ်ဟာ လီဗာပူးလ်အသင်းအတွက် ချန်ပီယံလိဂ်ပြိုင်ပွဲမှာ ၄၁ ဂိုးနဲ့ ယူရိုပါလိဂ်ပြိုင်ပွဲမှာ ၂ ဂိုးသွင်းယူနိုင်ခဲ့တာဖြစ်ပါတယ်။
ဆာလတ်ဟာ ဒီစံချိန်တွေအပြင် အာဖရိက ကစားသမားတွေထဲမှာ ဥရောပသွင်းဂိုးအများဆုံးကစားသမား၊ လီဗာပူးလ်ရဲ့ပရီးမီးယားလိဂ်သွင်းဂိုးအများဆုံးကစားသမားဆိုတဲ့ စံချိန်တွေကိုလည်း တင်နိုင်ခဲ့တာဖြစ်ပါတယ်။