ယူနိုက်တက်အသင်းခေါင်းဆောင် မက်ဂွဲယားဟာ ဆီဗီလာအသင်းနဲ့ ၂ ဂိုးစီသရေကျခဲ့တဲ့ ယူရိုပါလိဂ်ကွာတားဖိုင်နယ် ပထမအကျော့ပွဲစဉ်ရဲ့ပွဲချိန် ၉၃ မိနစ်မှာ ဆီဗီလာအသင်းအဖိုးတန်ဂိုးရမယ့် ဂိုးကို ကိုယ့်ဂိုးကိုယ်သွင်းယူပေးခဲ့တာကြောင့် အသင်းအားပေးသူပရိသတ်တွေဟာ မယုံကြည်နိုင်အောင်ဖြစ်ခဲ့ရပါတယ်။
ဒီပွဲမှာ ဆာဘစ်ဇာက ယူနိုက်တက်အတွက် ပထမပိုင်းမှာ ဦးဆောင်ဂိုး ၂ ဂိုးသွင်းယူခဲ့တာပါ။ဒါပေမယ့် ၈၄ မိနစ်မှာ မာလာစီယာက ကိုယ့်ဂိုးကိုယ်သွင်းယူပြီးနောက် ၉၃ မိနစ်မှာ မက်ဂွဲယားက ကိုယ့်ဂိုးကိုယ်ထပ်ပြီး သွင်းယူခဲ့တာဖြစ်ပါတယ်။
ဆိုရှယ်ပေါ်မှာရှိတဲ့ ပရိသတ်အများအပြားကတော့ မက်ဂွဲယားကို ဒုတိယဂိုးအတွက် အပြစ်တင်လို့မရဘူးလို့ ယုံကြည်နေကြပြီး မက်ဂွဲယားဟာ သူနဲ့ ထိမယ့်ဘောလုံးကို တုံ့ပြန်ဖို့ အချိန်အနည်းငယ်သာ ရှိခဲ့တာဖြစ်ပါတယ်။ဒီဂိုးမှာ မက်ဂွဲယားအပြစ်မရှိကြောင်းနဲ့ အင်္ဂလန်ကစားသမားဟောင်း ကံမကောင်းသလို၊ကံလည်းဆိုးတယ်လို့ ပြောခဲ့တာပါ။
ပရိသတ်တစ်ဦးက”မက်ဂွဲယားဟာ ကမ္ဘာပေါ်မှာကံအဆိုးဆုံးဘောလုံးသမားပါ။အမြဲတမ်းသူပဲဖြစ်နေတာပါ”လို့ရေးသားခဲ့သလို နောက်တစ်ဦးကလည်း “မက်ဂွဲယားကို အပြစ်တင်လို့တောင်မရပါဘူး။သူဟာ ကံဆိုးနေပါတယ်”လို့ ရေးသားခဲ့တာဖြစ်ပါတယ်။
မက်ဂွဲယားဟာ ဒီရာသီ ယူနိုက်တက်အသင်းမှာ ပွဲထွက်ခွင့်ရဖို့ ခက်ခဲနေသလို ဆီဗီလာအသင်းနဲ့ ပွဲမှာလည်း လူစားဝင်ကစားသမားအဖြစ်သာ ပါဝင်ခဲ့ရပြီး မကြာခဏဆိုသလို ဝေဖန်မှုတွေခံနေရတာဖြစ်ပါတယ်။
