နေမာဟာ ဒီရာသီ အယ်လ်ဟီလယ်အသင်း ဆော်ဒီပရိုလိဂ်ဖလားရယူနိုင်ခဲ့တဲ့ အောင်ပွဲခံအခမ်းအနားကို သမီးဖြစ်သူနဲ့အတူ ဆင်နွှဲသွားခဲ့တာဖြစ်ပါတယ်။
![](https://www.ballpwel.com/wp-content/uploads/2024/05/GettyImages-2151948582-1024x576.webp)
အယ်လ်ဟီလယ်အသင်းဟာ အယ်လ်ဟာဇမ်အသင်းကို ၄ ဂိုး-၁ ဂိုးနဲ့ အနိုင်ရပြီးနောက် လိဂ်ပွဲစဉ်ပြီးဆုံးဖို့ ၃ ပွဲအလိုမှာ အဆင့် ၂ နေရာက အယ်လ်နာဆာအသင်းကို ၁၂ မှတ်အထိဖြတ်ထားနိုင်ခဲ့တာကြောင့် ချန်ပီယံဆုကို ရယူနိုင်ဖို့သေချာသွားခဲ့တာပါ။အယ်လ်ဟီလယ်အသင်းဟာ ဆော်ဒီပရိုလိဂ်ဖလားကို နောက်ဆုံး ၅ နှစ်အတွင်း ၄ ကြိမ်ရယူနိုင်ခဲ့ပြီး စုစုပေါင်း ၁၉ ကြိမ်အထိရယူထားနိုင်ခဲ့တာဖြစ်ပါတယ်။
🎬The celebrations by the MAGICIAN @neymarjr lens 👀#AlHilal pic.twitter.com/wl2lq7Zxc2
— AlHilal Saudi Club (@Alhilal_EN) May 11, 2024
ပွဲအပြီးမှာတော့ နေမာဟာ သမီးဖြစ်သူနဲ့ ကွင်းအတွင်းဝင်ရောက်ပြီး အောင်ပွဲခံခဲ့သလို အဝတ်လဲခန်းထဲကိုလည်း သွားရောက်ကာ အသင်းဖော်တွေနဲ့ အောင်ပွဲခံမှုပြုလုပ်ခဲ့တာပါ။နေမာဟာ ပြီးခဲ့တဲ့ အောက်တိုဘာလက ဘရာဇီးလ်အသင်းနဲ့ ဥရုဂွေးအသင်းတို့ပွဲမှာ ရခဲ့တဲ့ ဒဏ်ရာကြောင့် တစ်ရာသီလုံးအနားယူခဲ့ရပြီး လာမယ့်ကိုပါအမေရိကဖလားပြိုင်ပွဲမှာလည်း ဘရာဇီးလ်အသင်းအတွက် မပါဝင်နိုင်တော့တာဖြစ်ပါတယ်။
![](https://www.ballpwel.com/wp-content/uploads/2024/05/YPMANXCIQNIG5NX7EF77PUIEXU-1024x724.jpg)
နေမာဟာ ဒဏ်ရာကြောင့် အနားမယူခင် အယ်လ်ဟီလယ်အသင်းအတွက် ဆော်ဒီလိဂ် ၃ ပွဲပါဝင်ကစားခဲ့ပြီး ၂ ဂိုးဖန်တီးကာ ပြိုင်ပွဲစုံမှာ ၅ ပွဲပါဝင်ကစားခဲ့ပြီး ၁ ဂိုးသွင်းယူခဲတာပါ။အယ်လ်ဟီလယ်အသင်းဟာ ဒီရာသီ ဆော်ဒီပရိုလိဂ် ၃၁ ပွဲကစားအပြီးမှာ ၂၉ ပွဲအနိုင်ရပြီး ၂ ပွဲသရေကျကာ ရှုံးပွဲမရှိသေးတာဖြစ်ပါတယ်။