ချယ်လ်ဆီးအသင်းနည်းပြ ပိုချက်တီနိုက လာမယ့်ရာသီအသင်းမှာဆက်ပြီးရှိချင်တယ်လို့ နော်တင်ဟမ်ဖောရက်စ်အသင်းကို ၃ ဂိုး-၂ ဂိုးနဲ့ အနိုင်ရခဲ့တဲ့ပွဲစဉ်အပြီးမှာ ပြောခဲ့ပါတယ်။
![](https://www.ballpwel.com/wp-content/uploads/2024/05/2152492587.0-1024x683.jpg)
ချယ်လ်ဆီးအသင်းဟာ ဒီနိုင်ပွဲကြောင့် နောက်ဆုံးကစားခဲ့တဲ့ ပရီးမီးယားလိဂ် ၃ ပွဲဆက်တိုက်အနိုင်ရပြီး အဆင့် ၇ နေရာမှာရပ်တည်နေကာ လာမယ့်ရာသီ ဥရောပဝင်ခွင့်ရယူနိုင်ဖို့ မျှော်လင့်ချက်တွေ အားကောင်းလာခဲ့တာဖြစ်ပါတယ်။ပိုချက်တီနိုဟာ အစောပိုင်းက ဝေဖန်မှုတွေနဲ့ ဖိအားဒဏ်တွေကြောင့် ချယ်လ်ဆီးအသင်းကနေ ထွက်ခွာနိုင်တယ်လို့ ပြောခဲ့ပေမယ့် အခုအချိန်မှာတော့ ဆက်ကိုင်တွယ်ချင်တယ်လို့ ဆိုလာခဲ့တာပါ။
ပိုချက်တီနိုက “ကျနော် မပျော်ရွှင်ခဲ့ဘူးလို့ ဘယ်တုန်းကမှ မပြောခဲ့ပါဘူး။ ရှင်းရှင်းပြောရရင် ပိုင်ရှင်က ကျနော့်ရဲ့အလုပ်ကိုကျေနပ်ရင် ဆက်ပြီးကိုင်တွယ်ချင်ပါတယ်။ကျနော်က အမြဲတမ်းရေရှည်တွေးတက်တဲ့နည်းပြပါ။ကျနော့်မှာ စာချုပ်တစ်နှစ်ကျန်ရှိနေပြီး ဒီမှာဆက်ရှိဖို့ စိတ်ကူးထားတယ်”လို့ ဆိုခဲ့ပါတယ်။
![](https://www.ballpwel.com/wp-content/uploads/2024/05/3966324-80521188-2560-1440-1024x576.jpg)
ချယ်လ်ဆီးအသင်းဟာ ပရီးမီးယားလိဂ်လက်ကျန် ၂ ပွဲအဖြစ် ဘရိုက်တန်၊ဘုန်းမောက်အသင်းတို့နဲ့ ယှဉ်ပြိုင်ရမှာဖြစ်ပြီး ၂ ပွဲစလုံးအနိုင်ရခဲ့ရင် လာမယ့်ရာသီဥရောပဝင်ခွင့်တစ်နေရာကို ရယူနိုင်မှာဖြစ်ပါတယ်။