ဘာစီလိုနာအသင်းနည်းပြ ဇာဗီက ယူရိုပါလိဂ်ပလေးအောဖ့်အဆင့်မဲခွဲမှုမှာ ယူနိုက်တက်အသင်းနဲ့ တွေ့ဆုံတဲ့ အပေါ် ကံမကောင်းခဲ့ဘူးလို့ပြောလိုက်ပါတယ်။
ချန်ပီယံလိဂ်အုပ်စုအဆင့်ကနေ ထွက်ခွာလာရတဲ့ ဘာစီလိုနာအသင်းဟာ ယူရိုပါလိဂ်ပလေးအောဖ့်အဆင့်မှာ ဒီပြိုင်ပွဲရဲ့အုပ်စုတွင်း ဒုတိယရခဲ့တဲ့ ယူနိုက်တက်နဲ့ တွေ့ဆုံရမှာပါ။ဒီတွေ့ဆုံမှုဟာ ဒီအဆင့်ရဲ့အကောင်းဆုံးပွဲလည်းဖြစ်ပြီး ပရိသတ်တွေ စောင့်မျှော်နေတဲ့ ပွဲလည်းဖြစ်ပါတယ်။
ဇာဗီကတော့ ဒီတွေ့ဆုံမှုနဲ့ ပက်သက်ပြီး စိတ်ပျက်နေတာပါ။ဇာဗီက “အခက်အခဲဆုံးပြိုင်ဘက်နဲ့ ထပ်မံတွေ့ဆုံရတာပါ။ဒါပေမယ့် ကျွန်တော်တို့ကလည်း ဒါကို စောင့်မျှော်နေတာပါ။သူတို့ဟာ သမိုင်းကြောင်းရှိတဲ့အသင်းပါ”
“တန်ဟတ်ရောက်လာပြီးနောက် သူတို့ဟာ အများကြီးတိုးတက်လာပြီး နာမည်ကြီးကစားသမားတွေလည်း အများကြီးရှိပါတယ်။ဒါဟာ အဆိုးရွားဆုံးမဲခွဲမှုရလဒ်ပါ။ကျွန်တော်တို့ ကံမကောင်းခဲ့ဘူး”လို့ ပြောခဲ့ပါတယ်။
ဘာစီလိုနာအသင်းဟာ ချန်ပီယံလိဂ်က ထွက်လာရပြီးနောက် ယူရိုပါလိဂ်ဖလားကို အရယူမယ်လို့ ဇာဗီက ပြောထားတာဖြစ်ပါတယ်။
