ယူနိုက်တက်ကစားသမား အန်တိုနီဟာ ကမ္ဘာ့ဖလားပြိုင်ပွဲဝင်မယ့် ဘရာဇီးလက်ရွေးစင်အသင်းရဲ့ကစားသမား ၂၆ ဦးစာရင်းကို ထုတ်ပြန်ခဲ့တာမှာ သူ့နာမည်ပါဝင်လာခဲ့လို့ ပျော်ရွှင်ပြီး ငိုကြွေးနေခဲ့တာဖြစ်ပါတယ်။
ပြီးခဲ့တဲ့ နွေရာသီက အေဂျတ်စ်ကနေ ရောက်ရှိလာတဲ့ အန်တိုနီဟာ ယူနိုက်တက်အတွက် ပရီးမီးယားလိဂ် ၃ ဂိုးသွင်းယူထားပြီး လက်ရှိအချိန်မှာ ဒဏ်ရာကြောင့် အသင်းရဲ့နောက်ဆုံး ၃ ပွဲကို လွဲချော်ခဲ့တာဖြစ်ပါတယ်။
ဒါပေမယ့် အန်တိုနီဟာ ကမ္ဘာ့ဖလားပြိုင်ပွဲဝင်မယ့် ဘရာဇီးလ်လူစာရင်းမှာ ပါဝင်ခဲ့တာပါ။အန်တိုနီဟာ ဘရာဇီးလ်အသင်းလူစာရင်းကြေညာချိန်မှာ မိသားစုတွေ၊ သူငယ်ချင်းတွေနဲ့အတူ ကြည့်ရှူနေခဲ့တာဖြစ်ပြီး သူ့နာမည်ပါဝင်ချိန်မှာ ပျော်ရွှင်စွာ အောင်ပွဲခံရင်း ငိုကြွေးခဲ့တာဖြစ်ပါတယ်။
ဘရူနိုဂွီမာရေ့စ်အပါအဝင် အခြားကစားသမားတွေကလည်း ဘရာဇီးလ်လူစာရင်းမှာ ပါဝင်ခဲ့လို့ ပျော်ရွှင်နေကြတာပါ။ဒီစာရင်းမှာ အန်တိုနီရဲ့ယူနိုက်တက်အသင်းဖော်တွေဖြစ်တဲ့ ဖရက်ဒ်နဲ့ ကတ်စမဲရိုးတို့လည်းပါဝင်ခဲ့ပြီး ဝါရင့်နောက်ခံလူ အဲလ်ဗတ်စ်လည်း ပါဝင်လာတာကို မြင်တွေ့ခဲ့ရတာဖြစ်ပါတယ်။
ဘရာဇီးလ်အသင်းလူစာရင်းမှာ အခြားပရီးမီးယားလိဂ်ကစားသမားတွေဖြစ်တဲ့ ဂျီးဆပ်စ်၊ မာတင်နယ်လီနဲ့ ရစ်ချာလီဆန်တို့ပါဝင်ခဲ့ပြီး ဖာမီနိုကတော့ မပါဝင်ခဲ့တာလည်းဖြစ်ပါတယ်။
ဘရာဇီးလ်အသင်းဟာ ကမ္ဘာ့ဖလားအုပ်စုအဖွ့င့်ပွဲအဖြစ် နိုဝင်ဘာ ၂၄ ရက်မှာ ဆားဘီးယားအသင်းနဲ့ ယှဉ်ပြိုင်ရမှာဖြစ်ပါတယ်။