ရီးရယ်လ်အသင်းဟာ လာလီဂါပွဲစဉ်မှာ ဗယ်လက်ကာနိုအသင်းနဲ့ ကစားခဲ့ရ ၃ ဂိုး- ၂ ဂိုးနဲ့ အရေးနိမ့်သွားခဲ့ပါတယ်။ဒါဟာ ရီးရယ်လ်အတွက် ဒီရာသီ ပထမဆုံးလာလီဂါရှုံးပွဲကြုံတွေ့ခဲ့ရတာဖြစ်ပါတယ်။
ရီးရယ်လ်အသင်းဟာ ဒီပွဲမှာ ဘန်ဇီမာနဲ့ တိုနီကရူးစ်မပါဝင်တာကလွဲပြီး လူစုံထုတ်ခဲ့ပေမယ့် ဗယ်လက်ကာနိုအသင်းကို အရေးနိမ့်ခဲ့တာလည်းဖြစ်ပါတယ်။ဒီပွဲစဉ်ရဲ့ပထမပိုင်းမှာတင် အပြန်အလှန်သွင်းဂိုးတွေကြောင့် တစ်ဖက်၂ ဂိုးစီသရေကျခဲ့တာပါ။
ဒုတိယပိုင်းမှာ ပင်နယ်တီကနေ ထရီဂျိုက ဗယ်လက်ကာနိုအတွက် အနိုင်ဂိုးသွင်းပေးခဲ့တာဖြစ်ပါတယ်။ရီးရယ်လ်အသင်းဟာ ဒီရှုံးပွဲကြောင့် လာလီဂါမှာ ၂ ပွဲဆက်နိုင်ပွဲပျောက်ဆုံးခဲ့တာပါ။ရီးရယ်လ်အသင်းဟာ ပြီးခဲ့တဲ့အပတ်က ကစားခဲ့တဲ့ ပွဲမှာ ဂျီရိုနာအသင်းနဲ့ သရေကျခဲ့တာဖြစ်ပါတယ်။
အဲ့ဒါကြောင့် ၂ ပွဲဆက်တိုက်ရမှတ်တွေ ဆုံးရှုံးပြီး ဘာစီလိုနာအသင်းရဲ့ကျော်တက်ခြင်းကို ခံရပြီဖြစ်ပါတယ်။ဘာစီလိုနာအသင်းဟာ ရီးရယ်လ်ကို အရေးနိမ့်ပြီးကတည်းက လာလီဂါ ၄ ပွဲဆက်တိုက်အနိုင်ရပြီး ရီးရယ်လ်အသင်းကို ၂ မှတ်အသာရကာ အမှတ်ပေးဇယားကို ဦးဆောင်နိုင်ခဲ့ပြီဖြစ်ပါတယ်။
ရီးရယ်လ်အသင်းဟာ ဒီတစ်ပတ်လာလီဂါ ပွဲစဉ်အဖြစ် ကာဒစ်ဇ်အသင်းနဲ့ အိမ်ကွင်းပွဲစဉ်ယှဉ်ပြိုင်ရမှာဖြစ်ပါတယ်။
