လာဇီယိုနည်းပြ ဆာရီဟာ ဖီယင်နုနဲ့ ကစားခဲ့တဲ့ ယူရိုပါလိဂ်ပွဲစဉ်မှာ ပွဲကြည့်စင်ပေါ်က ဖီယင်နုပရိသတ်တွေဟာ ဆီးထုပ်တွေနဲ့ ပစ်ပေါက်ခဲ့တယ်လို့ ပြောလိုက်ပါတယ်။
ဒီပွဲမှာ ဖီယင်နုအသင်းက ၁ ဂိုး- ဂိုးမရှိနဲ့ အနိုင်ရပြီး နောက်တစ်ဆင့်တက်ခဲ့ပေမယ့် လာဇီယိုအသင်းက ယူရိုပါလိဂ်အုပ်စုအဆင့်ကနေ ထွက်ခွာခဲ့ရတာဖြစ်ပါတယ်။ဒီရလဒ်ဟာ ဆာရီနဲ့ သူ့အသင်းအတွက် ဆိုးရွားတဲ့ရလဒ်ဖြစ်ခဲ့ပါတယ်။
ဆာရီက “ဆီးသွားထားတဲ့ အထုပ်တွေနဲ့ ပွဲကြည့်စင်ပေါ်ကနေ အရန်ခုံတန်းအနောက်ဘက်ကို ပစ်ချခဲ့ကြပါတယ်။တော်တော်လည်း ဒေါသထွက်စရာကောင်းပါတယ်”လို့ ပွဲအပြီးသတင်းစာရှင်းလင်းပွဲမှာ ပြောခဲ့တာဖြစ်ပါတယ်။
လာဇီယိုအသင်းဟာ ဒီပွဲမှာအရေးနိမ့်ခဲ့လို့ အုပ်စုကနေ ထွက်ခဲ့ရပေမယ့် ယူရိုပါကွန်းဖရန့်စ်လိဂ်မှာ သွားရောက်ကစားရမှာလည်းဖြစ်ပါတယ်။လာဇီယိုအသင်းဟာ ပြိုင်ပွဲစုံ ၂ ပွဲဆက် ရှုံးပွဲကြုံတွေ့ခဲ့ရတာလည်းဖြစ်ပါတယ်။
စီးရီးအေ အမှတ်ပေးဇယားအဆင့် ၅ နေရာမှာ ရပ်တည်နေတဲ့ လာဇီယိုအသင်းဟာ ဒီတစ်ပတ်စီးရီးအေပွဲစဉ်အဖြစ် ရိုးမားအသင်းနဲ့ ဒါဘီပွဲစဉ်ယှဉ်ပြိုင်ရမှာဖြစ်ပါတယ်။
