မန်စီးတီးအသင်းက လိုက်ပ်ဇစ်အသင်းကို ၃ ဂိုး- ၂ ဂိုးနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ မန်စီးတီးအသင်းအတွက် ဂိုးသွင်းယူနိုင်ခဲ့တဲ့ တိုက်စစ်မှူးဟာလန်းဟာ ချန်ပီယံလိဂ်ပြိုင်ပွဲမှာ နောက်ထပ်စံချိန်သစ် ၂ ခုကိုတင်နိုင်ခဲ့ပါတယ်။
ဟာလန်းဟာ ချန်ပီယံလိဂ်ပြိုင်ပွဲမှာ ၃၅ ပွဲသာပါဝင်ကစားခဲ့ရပေမယ့် သွင်းဂိုး ၄၀ အမြန်ဆုံးပြည့်တဲ့ ကစားသမားအဖြစ် နစ္စတယ်ရွိုင်းရဲ့၄၅ ပွဲစံချိန်မှတ်တမ်းကို ကျော်ဖြတ်နိုင်ခဲ့တာပါ။နော်ဝေတိုက်စစ်မှူးဟာ အသက် ၂၃ နှစ်၊ ၁၃၀ ရက်နဲ့ ချန်ပီယံလိဂ်သွင်းဂိုး ၄၀ ပြည့်ခဲ့တာကြောင့် ပီအက်စ်ဂျီအသင်းတိုက်စစ်မှူး ဘတ်ပီရဲ့ အသက်အငယ်ဆုံးနဲ့ ချန်ပီယံလိဂ်သွင်းဂိုး ၄၀ ပြည့်တဲ့ စံချိန်ကို ချိုးဖျက်နိုင်ခဲ့တာဖြစ်ပါတယ်။
ဟာလန်းဟာ မကြာသေးခင်ကမှ ပရီးမီးယားလိဂ်ပြိုင်ပွဲမှာ သွင်းဂိုး ၅၀ ပြည့်တဲ့ အမြန်ဆုံးကစားသမားအဖြစ်လည်း စံချိန်တင်ထားတာပါ။မနှစ်ကမှ ဒေါ့မွန်ကနေ ရောက်ရှိလာတဲ့ ဟာလန်းဟာ မန်စီးတီးအသင်းအတွက် စံချိန်ပေါင်းများစွာကို တင်ထားပြီး ချန်ပီယံလိဂ်ဖလား၊ အက်ဖ်အေဖလားနဲ့ ပရီးမီးယားလိဂ်ဖလားတို့ကို ရယူထားနိုင်ခဲ့တာဖြစ်ပါတယ်။
ဟာလန်းဟာ လက်ရှိအချိန်ထိ မန်စီးတီးအသင်းအတွက် ၇၃ ပွဲပါဝင်ကစားထားအပြီးမှာ ၇၁ ဂိုးသွင်းယူထားတာဖြစ်ပါတယ်။
