အန်ဆယ်လော့တီက ချန်ပီယံလိဂ်မှာ ဗိုလ်စွဲဖို့ ရေပန်းအစားဆုံးလောင်းကြေးတွေထဲမှာ ရီးရယ်လ်ကို မထည့်သွင်းတဲ့ အပေါ် မအံဩကြောင်း ပြောလိုက်ပါတယ်။
ရီးရယ်လ်အသင်းဟာ ပြီးခဲ့တဲ့ရာသီကမှ ချန်ပီယံလိဂ်ဆုဖလားကို ပူပူနွေးနွေးရယူထားတာပါ။ဒါပေမယ့် ပီအက်စ်ဂျီ၊ ဘိုင်ယန်မြူးနစ်နဲ့ မန်စီးတီးအသင်းတို့ကသာ ရေပန်းအစားဆုံးအဖြစ် ရှိနေပါတယ်။
ရီးရယ်လ်အသင်းဟာ မနက်ဖြန်မနက်ပိုင်းမှာ ချန်ပီယံလိဂ် အုပ်စုအဖွင့်ပွဲအဖြစ် ဆဲလ်တစ်အသင်းနဲ့ ယှဉ်ပြိုင်ရမှာပါ။အန်ဆယ်လော့တီက “သူတို့က ကျွန်တော်တို့ကို bookmaker တွေနောက်မှာ ထားတာကို မအံဩပါဘူး”
“ဒါကို ကောင်းတဲ့လက္ခဏာလို့ မြင်ပါတယ်။မနှစ်ကဆိုရင် သူတို့က ကျွန်တော်တို့ကို ကိန်းဂဏန်းတွေမှာ အခွင့်အရေးအနည်းငယ်ပေးပါတယ်။အခု ကျွန်တော်တို့ ပိုပြီးတိုးတက်လာပါတယ်။မနှစ်ကနဲ့ အတူတူဖြစ်မယ်ထင်တာပါပဲ”
“အဆုံးထိ ယှဉ်ပြိုင်သွားမှာဖြစ်ပြီး ဗိုလ်လုပွဲတက်နိုင်ဖို့ မျှော်လင့်ကြောင်း”ပြောခဲ့ပါတယ်။ရီးရယ်လ်အသင်းဟာ ပြီးခဲ့ရာသီက ပီအက်စ်ဂျီ၊မန်စီးတီး၊ချယ်လ်ဆီးနဲ့ လီဗာပူးလ်တို့ကို ကျော်ဖြတ်ပြီး ဖလားရရှိခဲ့တာဖြစ်ပါတယ်။