ရီးရယ်လ်နည်းပြ အန်ဆယ်လော့တီကတော့ ဆဲလ်တစ်ကို အနိုင်ရတဲ့ပွဲမှာ ခြေစွမ်းပြသနိုင်ခဲ့တဲ့ ဟာလန်းရဲ့စွမ်းဆောင်ရည်ကို ချီးကျူးမှုပြုလုပ်သွားခဲ့ပါတယ်။
ဟာဇတ်ဟာ ဘန်ဇီမာ ဒဏ်ရာရသွားခဲ့တာကြောင့် ဒီပွဲမှာ လူစားဝင်ကစားသမားအဖြစ် ပါဝင်ခဲ့ပေမယ့် အသင်းအတွက် ၁ ဂိုးသွင်း ၁ ဂိုးဖန်တီးကာ ခြေစွမ်းပြသနိုင်ခဲ့တာပါ။
ဒီပွဲမှာ ရီးရယ်လ်အသင်းက ဆဲလ်တစ်အသင်းကို ၃ ဂိုး- ဂိုးမရှိနဲ့ အနိုင်ရခဲ့တာဖြစ်ပြီး ဂိုးတွေကို ဗီနီစီးယက်စ်၊မိုဒရစ်နဲ့ ဟာဇတ်တို့က သွင်းယူခဲ့တာဖြစ်ပါတယ်။ဟာဇတ်အတွက်တော့ ၂၀၂၀ နောက်ပိုင်း ချန်ပီယံလိဂ်မှာ ပထမဆုံးသွင်းတဲ့ ဂိုးလည်းဖြစ်ခဲ့တာပါ။
အန်ဆယ်လော့တီက “ဒါက ဟာဇတ်ရဲ့အခိုက်အတန့်လို့ ကျွန်တော်ထင်ပြီး သူ ကျွန်တော့်ကို မှန်ကန်ကြောင်း သက်သေပြသခဲ့ပါတယ်။သူအလွန်ပျော်ရွှင်နေပါတယ်”
“သူဒီလိုပဲဆက်သွားဖို့ ကျွန်တော်မျှော်လင့်တယ်လို့ “ပွဲအပြီးမှာ သတင်းထောက်တွေကို ပြောခဲ့တာဖြစ်ပါတယ်။ဟာဇတ်ဟာ ရီးရယ်လ်အသင်းကို ၂၀၁၉ က ရောက်ရှိလာခဲ့ပေမယ့် ဒဏ်ရာတွေနဲ့ ရုန်းကန်ခဲ့ရတာပါ။
ဘယ်လ်ဂျီယံကစားသမားဟာ ရီးရယ်လ်အတွက် ၆၉ ပွဲသာပါဝင်ကစားထားနိုင်ပြီး ဆဲလ်တစ်ဘက်ကို သွင်းတဲ့ဂိုးဟာ သူ့ရဲ့ပြိုင်ပွဲစုံ ၇ ဂိုးမြောက်ဖြစ်ခဲ့ပါတယ်။