ဂျူဗင်တပ်စ်ကို အနိုင်ရခဲ့တဲ့ ချန်ပီယံလိဂ်ပွဲစဉ်မှာ ဘတ်ပီဟာ သေချာပေါက် ဂိုးရနိုင်မယ့် အခွင့်အရေးကို ပေးပို့ခဲ့ခြင်းမရှိလို့ နေမာဟာ ဒေါသထွက်ပြီး အော်ဟစ်နေခဲ့တာဖြစ်ပါတယ်။
ဒီပွဲမှာ ပီအက်စ်ဂျီအသင်းက ဂျူဗင်တပ်စ်အသင်းကို ၂ ဂိုး- ၁ ဂိုးနဲ့ အနိုင်ရခဲ့တာဖြစ်ပြီး ဘတ်ပီက ၂ ဂိုးစလုံးသွင်းယူခဲ့တာပါ။နေမာဟာ ဒီပွဲမှာ ဘတ်ပီဂိုးသွင်းယူနိုင်အောင် လှပတဲ့ ဂိုးဖန်တီးပေးခဲ့ပါတယ်။
ဒါပေမယ့် ပီအက်စ်ဂျီအသင်းတတိယဂိုးရနိုင်မယ့် အခြေအနေရှိခဲ့တာပါ။ဒါကို ဘတ်ပီက နေမာကို ပေးပို့ခဲ့ခြင်းမရှိဘဲ တိုက်ရိုက်ကန်သွင်းခဲ့တာမှာ ဂိုးဘေးက ထွက်သွားခဲ့တာဖြစ်ပါတယ်။နေမာဟာ ဒါကို စိတ်ပျက်ပြီး အော်ဟစ်နေခဲ့တာပါ။
ဒီဂိုးမဝင်ပြီး မိနစ်အနည်းငယ်အကြာမှာ ဂျူဗင်တပ်စ်အသင်း ချေပဂိုးရသွားခဲ့တာကြောင့် ပီအက်စ်ဂျီအသင်း နောက်ထပ်ဂိုးမပေးရအောင် ကစားခဲ့ရတာဖြစ်ပါတယ်။မကြာသေးခင်ကလည်း နေမာနဲ့ ဘတ်ပီကြားမှာ တင်းမာမှုတွေရှိခဲ့သေးတာပါ။
ဒါကို ဘတ်ပီက ဒီပွဲမတိုင်ခင်မှာ ငြင်းပယ်ခဲ့ပြီး သူဟာ နေမာအပေါ်မှာ အလွန်လေးစားမှုရှိတယ်လို့ ပြောခဲ့ပါတယ်။
