အင်တာမိုင်ယာမီအသင်းက နယူးယော့ခ်ရက်ဘူးလ်အသင်းကို ၆ ဂိုး-၂ ဂိုးနဲ့ အနိုင်ရခဲ့တဲ့ မေဂျာလိဂ်ပွဲစဉ်မှာ မက်ဆီနဲ့ ဆွာရက်ဇ်တို့ဟာ ခြေစွမ်းပြပြီး ဂိုးသွင်းဂိုးဖန်တီးမှုတွေပြုလုပ်ခဲ့ကြတာဖြစ်ပါတယ်။
ပြီးခဲ့တဲ့ ဧပြီလရဲ့မေဂျာလိဂ်တစ်လတာအကောင်းဆုံးကစားသမားဆုကို ရရှိထားတဲ့ မက်ဆီဟာ ဒီပွဲမှာ ၁ ဂိုးသွင်းပြီး ကျန်တဲ့ ၅ ဂိုးကို ဖန်တီးပေးသွားခဲ့တာပါ။ဆွာရက်ဇ်ဟာ ဒီပွဲမှာ ၁ ဂိုးသွင်းပြီး ၃ ဂိုးဖန်တီးနိုင်ခဲ့တာဖြစ်ပါတယ်။မက်ဆီဟာ ဆွာရက်ဇ်သွင်းယူတဲ့ ၃ ဂိုးစလုံးကို ဖန်တီးခဲ့တာဖြစ်ပြီး ဆွာရက်ဇ်ကလည်း မက်ဆီသွင်းယူတဲ့ ဂိုးကို ဖန်တီးပေးခဲ့တာပါ။
အင်တာမိုင်ယာမီအသင်းဟာ မေဂျာလိဂ် ၄ ပွဲဆက်တိုက်နိုင်ပွဲရယူပြီး အမှတ်ပေးဇယားထိပ်ဆုံးနေရာမှာ ဆက်လက်ဦးဆောင်နေတာဖြစ်ပါတယ်။မက်ဆီဟာ ဒီရာသီမေဂျာလိဂ်ပြိုင်ပွဲမှာ အင်တာမိုင်ယာမီအသင်းအတွက် ၁၀ ဂိုးသွင်းယူထားပြီး ဆွာရက်ဇ်က ၇ ဂိုးသွင်းယူထားတာပါ။
အင်တာမိုင်ယာမီအသင်းဟာ လာမယ့်မေဂျာလိဂ်ပွဲစဉ်အဖြစ် မွန်ထရီရယ်လ်အသင်းနဲ့ ယှဉ်ပြိုင်ရမှာဖြစ်ပါတယ်။
