ရီးရယ်လ်အသင်းဟာ ဘာစီလိုနာအသင်းက ဂျီရိုနာအသင်းကို ၄ ဂိုး-၂ ဂိုးနဲ့ အရေးနိမ့်ပြီးနောက် ဒီရာသီ လာလီဂါဖလားကို ရရှိသွားခဲ့ပြီဖြစ်ပါတယ်။
ရီးရယ်လ်အသင်းဟာ အစောပွဲစဉ်မှာ ကာဒစ်ဇ်အသင်းကို ၃ ဂိုး-ဂိုးမရှိနဲ့ အနိုင်ရခဲ့ပေမယ့် ဘာစီလိုနာနဲ့ ဂျီရိုနာအသင်းတို့ရဲ့ပွဲရလဒ်ပေါ်မူတည်ပြီး ချန်ပီယံအဖြစ် စောစီးစွာအောင်ပွဲခံလို့ရမှာပါ။အခုတော့ ရီးရယ်လ်အသင်းဟာ လာလီဂါပွဲစဉ်ကစားဖို့ ၄ ပွဲကျန်ရှိတော့တဲ့အချိန်မှာ ဒုတိယနေရာက ဂျီရိုနာအသင်းကို ၁၃ မှတ်ဖြတ်ထားနိုင်ခဲ့တာဖြစ်ပါတယ်။
အဲ့ဒါကြောင့် ရီးရယ်လ်အသင်းဟာ စပိန်လာလီဂါဖလားကို ၃၆ ကြိမ်မြောက်အဖြစ် ရယူနိုင်ခဲ့တာပါ။ရီးရယ်လ်အသင်းဟာ ဒီရာသီမှာ စူပါဖလားနဲ့ လာလီဂါဖလားတို့ကို ရယူနိုင်ခဲ့ပြီး ချန်ပီယံလိဂ်မှာလည်း ဗိုလ်လုပွဲတက်မလားဆိုတာ စောင့်ကြည့်ရမှာဖြစ်ပါတယ်။
ရီးရယ်လ်အသင်းဟာ ချန်ပီယံလိဂ်ဆီမီးဖိုင်နယ် ပထမအကျော့အဖြစ် ကစားခဲ့တဲ့ပွဲမှာ ဘိုင်ယန်မြူးနစ်အသင်းနဲ့ ၂ ဂိုးစီသရေကျခဲ့ပြီး ဒုတိယအကျော့ကို အိမ်ကွင်းမှာ ကစားရမှာဖြစ်ပါတယ်။
