အစ်စဝှချ်အသင်းဟာ ဟတ်ဒါဖီးစ်အသင်းနဲ့ ကစားခဲ့တဲ့ ချန်ပီယံရှစ်နောက်ဆုံးပွဲစဉ်မှာ ၂ ဂိုး- ဂိုးမရှိနဲ့ အနိုင်ရပြီးနောက် ၂၀၀၂ နောက်ပိုင်း နှစ်ပေါင်း ၂၂ နှစ်ကြာဝေးကွာခဲ့တဲ့ ပရီးမီးယားလိဂ်ကို တိုက်ရိုက်တန်းတက်နိုင်ခဲ့ပြီဖြစ်ပါတယ်။
အစ်စဝှချ်အသင်းဟာ ပြီးခဲ့တဲ့ရာသီက လိဂ်ဝမ်းကနေ ချန်ပီယံရှစ်ကိုတန်းတက်နိုင်ခဲ့ပြီး ဒီရာသီမှာတော့ ချန်ပီယံရှစ်ကနေ ပရီးမီးယားလိဂ်ကို တန်းတက်နိုင်ခဲ့တာပါ။အစ်စဝှချ်အသင်းဟာ နည်းပြ မက်ကန်နာရဲ့လက်အောက်မှာ ခြေစွမ်းရော ရလဒ်ပါကောင်းမွန်ခဲ့ပြီး အခုဆိုရင် လက်စတာအသင်းနဲ့အတူ လာမယ့်ရာသီ ပရီးမီးယားလိဂ်ပြိုင်ပွဲမှာ ယှဉ်ပြိုင်ခွင့်ရခဲ့ပြီဖြစ်ပါတယ်။
ချန်ပီယံရှစ်ကနေ ပရီးမီးယားလိဂ်ကို တန်းတက်ခွင့် ၁ နေရာအတွက် လိဒ်စ်၊ဆောက်သမ်တန်၊ဝက်စ်ဘရွန်းနဲ့ နော်ဝစ်ချ်အသင်းတို့ ယှဉ်ပြိုင်ရတော့မှာပါ။ဘာမင်ဂမ်၊ဟက်ဒါဖီးစ်နဲ့ ရိုသာဟမ်အသင်းတို့ကတော့ လိဂ်ဝမ်းကို တန်းဆင်းခဲ့ရပြီဖြစ်ပါတယ်။