အဲဗာတန်အသင်းဂိုးသမား ပစ်ဖိုဒ့်ဟာ လူတန်အသင်းရဲ့သွင်းဂိုးကို ခွင့်ပြုခဲ့ရတာကြောင့် အာဆင်နယ်အသင်းဂိုးသမား ဒေးဗစ်ရာယာဟာ ဒီရာသီ ပရီးမီးယားလိဂ်ရွှေလက်အိတ်ဆုကို ရရှိသွားခဲ့ပြီဖြစ်ပါတယ်။
လက်ရှိအချိန်မှာ ဒေးဗစ်ရာယာဟာ ဒီရာသီပရီးမီးယားလိဂ်ပြိုင်ပွဲမှာ ပေးဂိုးမပေးရတဲ့ ပွဲအရေအတွက် ၁၄ ပွဲအထိ ရှိထားတာပါ။ပစ်ဖိုဒ့်ဟာ ပေးဂိုးမပေးရတဲ့ပွဲအရေအတွက် ၁၂ ပွဲအထိရှိထားပြီး ကစားဖို့ကျန်ရှိနေတဲ့ ၂ ပွဲစလုံးပေးဂိုးမပေးရရင်တောင် ဒေးဗစ်ရာယာနဲ့ ပွဲအရေအတွက်ချင်းတူညီမှာဖြစ်ပါတယ်။ဒေးဗစ်ရာယာကတော့ ပရီးမီးယားလိဂ်ပွဲစဉ်ကစားဖို့ ၃ ပွဲအထိကျန်ရှိနေသေးတာပါ။
အဲ့ဒါကြောင့် ဒေးဗစ်ရာယာဟာ ၂၀၂၃-၂၄ ပရီးမီးယားလိဂ်ပြိုင်ပွဲရဲ့ရွှေလက်အိတ်ဆုကို ရရှိသွားခဲ့ပြီဖြစ်ပါတယ်။ဒေးဗစ်ရာယာဟာ အာဆင်နယ်အသင်းအတွက် ပရီးမီးယားလိဂ် ၂၉ ပွဲကစားအပြီးမှာ ၁၄ ပွဲပေးဂိုးမပေးရအောင် လက်စွမ်းပြသနိုင်ခဲ့တာပါ။ဘရန်ဖိုဒ့်ကနေ အငှားနဲ့ လာရောက်ကစားနေတဲ့ ဒေးဗစ်ရာယာကို အာဆင်နယ်အသင်းဟာ နွေရာသီမှာ အပြီးသတ်ခေါ်ယူမှာဖြစ်ပါတယ်။
ဒေးဗစ်ရာယာဟာ ၂၀၁၅-၁၆ ရာသီက ပီတာချက်နောက်ပိုင်း ပရီးမီးယားလိဂ်ရွှေလက်အိတ်ဆုကို ရယူနိုင်တဲ့ ပထမဆုံးအာဆင်နယ်အသင်း ကစားသမားဖြစ်လာခဲ့ပါတယ်။
