ချယ်လ်ဆီးနည်းပြဟောင်း တူချယ်လ်ဟာ ဂျုဗင်တပ်စ် ဒါမှမဟုတ် ဘိုင်ယန်မြူးနစ်အသင်းရဲ့နည်းပြဖြစ်လာဖွယ်ရှိနေတယ်လို့ သတင်းတွေအရ သိရပါတယ်။
တူချယ်လ်ဟာ ပိုင်ရှင် တော့ဒ်ဘိုလီနဲ့ ဆက်ဆံရေးအဆင်မပြေတဲ့အပြင် ရလဒ်ပိုင်းတွေကလည်း ဆိုးရွားနေတာကြောင့် အခုလအစောပိုင်းက နည်းပြရာထူးကနေ ထုတ်ပယ်ခြင်း ခံခဲ့ရတာပါ။
ဒါပေမယ့် Bild ရဲ့ဖော်ပြချက်မှာ တူချယ်လ်ကို ခန့်ဖို့ အသင်းကြီး ၂ သင်းက မျက်စိကျနေတာနဲ့ အတူ နည်းပြလောကကို အလျင်အမြန်ပြန်လည်ဝင်ရောက်ဖို့ ရှိနေတာလို့ သိရပါတယ်။ဂျုဗင်တပ်စ်နဲ့ ဘိုင်ယန်မြူးနစ်အသင်းတို့ဟာ ဒီရာသီမှာ ရလဒ်ပိုင်းဆိုးရွားနေခဲ့တာပါ။
အဲ့ဒါကြောင့် အယ်လီဂရီနဲ့ နာဂျယ်လ်စမန်းတို့ဟာ နည်းပြရာထူးကနေ ထုတ်ပယ်ခံရဖို့ ဖိအားတွေ ရှိနေတာဖြစ်ပါတယ်။ဘိုင်ယန်မြူးနစ်အသင်းဟာ နောက်ဆုံးကစားခဲ့တဲ့ အမှတ်ပေး ၄ ပွဲဆက်တိုက်နိုင်ပွဲပျောက်ဆုံးနေပြီး ထိပ်ဆုံးနေရုက ယူနီယံဘာလင်နဲ့ ၅ မှတ်ကွာဟနေတာပါ။
ဘိုင်ယန်မြူးနစ် CEO အိုလီဗာခန်းကတော့ နည်းပြဘက်က အပြည့်အဝ ရပ်တည်ပေးကြောင်း ပြောခဲ့ပါတယ်။ဂျူဗင်တပ်စ်အသင်းဟာ လက်ရှိအချိန်မှာ နောက်ဆုံးကစားခဲ့တဲ့ ၈ ပွဲမှာ နိုင်ပွဲ ၁ ပွဲသာ ရထားတဲ့အထိ အခြေအနေဆိုးနေခဲ့တာပါ။
ဘိုင်ယန်နဲ့ ဂျူဗီအသင်းတို့ဟာ တူချယ်လ်အပြင် ဇီဒန်းနဲ့ ပိုချက်တီနိုကိုလည်း နည်းပြအဖြစ် ခန့်အပ်ဖို့ စိတ်ဝင်စားနေတာဖြစ်ပါတယ်။