မန်စီးတီးအသင်းဟာ တိုက်စစ်မှူး ဟာလန်းကို အနီးကပ်စောင့်ကြည့်ဖို့ အတွက် နော်ဝေလေ့ကျင့်ရေးဆီကို ကာယကုထုံးပညာရှင် မာရီယိုပါဖန်တီကို စေလွှတ်ခဲ့တယ်လို့ သိရပါတယ်။
ဟာလန်းဟာ ဒီရာသီမှာ အသင်းအတွက် အလွန်ခြေစွမ်းပြနေပြီး ပါဝင်ကစားပေးထားတဲ့ ၉ ပွဲမှာ ၁၄ ဂိုးအထိ သွင်းယူထားတာပါ။ဟာလန်းဟာ ပြီးခဲ့တဲ့ရာသီ ဒေါ့မွန်အသင်းမှာ ကစားခဲ့တုန်းက ဒဏ်ရာပြဿနာတွေကြုံတွေ့ခဲ့ရတာဖြစ်ပါတယ်။Up
အဲ့ဒါကြောင့် မန်စီးတီးအသင်းဟာ သူတို့ရဲ့တိုက်စစ်မှူးကို အထိခိုက်မခံစေချင်နေတာပါ။နော်ဝေနည်းပြကတော့ ပါဖန်တီဟာ သူတို့ရဲ့တတိယ ကာယကုထုံးနဲ့ ထိထိရောက်ရောက်လုပ်ဆောင်မှာဖြစ်ပေမယ့် ဟာလန်းနဲ့ သီးသန့်အလုပ်လုပ်မှာမဟုတ်ဘူးလို့ ပြောခဲ့ပါတယ်။
ဒါပေမယ့် ဆားဘီးယား၊ ဆလိုဗားကီးယားတို့နဲ့ကစားမယ့် နေးရှင်းလိဂ်ပွဲစဉ်အတွက် အဆိုပါဆေးအဖွဲ့ဝင်ကို နော်ဝေအသင်းရဲ့နည်းပြအဖွဲ့ဝင် ထဲမှာ ထည့်သွင်းပေးသင့်ကြောင်း ဟာလန်းက အကြံပြုထားတာဖြစ်ပါတယ်။
ဟာလန်းအတွက်တော့ မန်စီးတီးကစားသမားဖြစ်လာပြီးနောက် ပထမဆုံးနိုင်ငံတကာပွဲကစားမှာ ဖြစ်ပြီး အသင်းဘက်က လက်ရွေးစင်အသင်းနဲ့ ဆက်ဆံရေးကို တည်ဆောက်ဖို့ စိတ်အားထက်သန်နေတာပါ။
မန်စီးတီးအသင်းဟာ နိုင်ငံတကာပွဲစဉ်အပြီးမှာ ယူနိုက်တက်အသင်းနဲ့ မန်ချက်စတာဒါဘီယှဉ်ပြိုင်ရမှာဖြစ်ပါတယ်။