ယူနိုက်တက်အသင်းဟာ အတ္တလန္တာအသင်းတိုက်စစ်မှူး ဟော့ဂျ်လန်းကို ပေါင် ၇၂ သန်းနဲ့ ခေါ်ယူနိုင်ဖို့အတွက် စီးရီးအေကလပ်နဲ့ ပြောင်းရွှေ့ကြေး သဘောတူညီမှုရရှိသွားပြီဖြစ်ပါတယ်။
ယူနိုက်တက်အသင်းဟာ အခုအပြောင်းအရွှေ့မှာ တိုက်စစ်မှူး တစ်ဦးခေါ်ယူနိုင်ဖို့ကို ဦးစားပေးလုပ်ဆောင်ခဲ့ပြီး ရာသီသစ်မစတင်ခင်မှာ ဟော့ဂျ်လန်းကို ခေါ်ယူနိုင်တော့မှာပါ။ယူနိုက်တက်အသင်းဟာ ဟော့ဂျ်လန်းအတွက် အတ္တလန္တာအသင်းကို ကနဦးပြောင်းရွှေ့ကြေး ပေါင် ၆၄ သန်းပေးရမှာဖြစ်ပြီး စွမ်းဆောင်ရည်တွေပေါ်မူတည်ကာ နောက်ထပ် ပေါင်(၈)သန်းထပ်ပြီး ပေးချေရမှာဖြစ်ပါတယ်။
ယူနိုက်တက်အသင်းဟာ ဒိန်းမတ်လက်ရွေးစင်တိုက်စစ်မှူးကို ၅ နှစ်စာချုပ်ချုပ်ဆိုမှာဖြစ်ပြီး စာချုပ်ကုန်ဆုံးချိန်မှာ နောက်ထပ်တစ်နှစ်သက်တမ်းတိုးခွင့်ရှိနေတယ်လို့ သိရတာပါ။ဟော့ဂျ်လန်းကို နည်းပြ အဲရစ်တန်ဟတ်ဟာ ဦးစားပေးတိုက်စစ်မှူးအဖြစ် အသုံးပြုသွားမှာဖြစ်ပါတယ်။
ဟော့ဂျ်လန်းကို ခေါ်ယူဖို့ ပီအက်စ်ဂျီအသင်းက စိတ်ဝင်စားခဲ့ပေမယ့် ကစားသမားက ယူနိုက်တက်အသင်းထံ ပြောင်းရွှေ့ချင်တာကြောင့် အပြောင်းအရွှေ့ဖြစ်မြောက်ခဲ့တာပါ။ဟော့ဂျ်လန်းဟာ ဒိန်းမတ်လက်ရွေးစင်အတွက် ၂၀၂၂ မှ စတင်ပွဲထွက်ခွင့်ရခဲ့ပေမယ့် ၆ ပွဲကစားအပြီးမှာ ၆ ဂိုးသွင်းယူထားနိုင်ခဲ့ပါတယ်။
ယူနိုက်တက်အသင်းဟာ ဟော့ဂျ်လန်းရဲ့အပြောင်းအရွှေ့ကို အမြန်ဆုံးအပြီးသတ်ဖို့ လုပ်ဆောင်နေပြီး ရာသီသစ်မစတင်ခင် ရာသီကြိုခြေစမ်းပွဲမှာပါ အသုံးပြုသွားဖို့ စီစဉ်နေတာဖြစ်ပါတယ်။