မန်စီးတီးနောက်ခံလူ ကန်ဆယ်လိုဟာ နည်းပြ ဂွာဒီယိုလာနဲ့ ဆက်ဆံရေးအဆင်မပြေတော့တာကြောင့် ပွဲကစားခွင့်ဆုံးရှုံးခဲ့လို့ ဂျာမနီကလပ် ဘိုင်ယန်မြူးနစ်အသင်းထံ ရာသီအကုန်ထိ အငှားစာချုပ်နဲ့ ပြောင်းရွှေ့သွားပြီဖြစ်ပါတယ်။
ကန်ဆယ်လိုဟာ ကမ္ဘာ့ဖလားအပြီးမှာ မန်စီးတီးအသင်းမှာ ပွဲထွက်ခွင့်မရတော့ဘဲ နည်းပြ ဂွာဒီယိုလာက အကီနဲ့ လူယ်ကစားသမားတွေကိုသာ နေရာပေးခဲ့တာပါ။အဲ့ဒါကြောင့် ကန်ဆယ်လိုဟာ မန်စီးတီးကနေ ထွက်ခွာဖို့ ဖြစ်လာခဲ့ရတာဖြစ်ပါတယ်။
ကန်ဆယ်လိုနဲ့ ဘိုင်ယန်မြူးနစ်တို့ ချူပ်ဆိုထားတဲ့စာချုပ်မှာ အပြီးသတ်ဝယ်ယူခွင့်ပါဝင်နေပြီး ကစားသမားသာ ခြေစွမ်းပြနိုင်မယ်ဆိုရင်အပြီးသတ်ပါပြောင်းရွှေ့နိုင်တာပါ။ကန်ဆယ်လိုဟာ ဘိုင်ယန်သတင်းစာရှင်းလင်းပွဲမှာ ဂွာဒီယိုလာနဲ့ ပတ်သက်ပြီးပြောခဲ့ပါတယ်။
ကန်ဆယ်လို “မကြာသေးခင် ရက်သတ္တပတ်အတွင်း ပွဲကစားချိန်နည်းပါးခဲ့တာနဲ့ ဒီဆုံးဖြတ်ချက်ဟာ သက်ဆိုင်မှုရှိပါတယ်။ကျွန်တော်နဲ့ ဂွာဒီယိုလာ ဆက်ဆံရေးအဆင်မပြေဘူးဆိုတဲ့ ထင်ကြေးတွေအများကြီးထွက်ပေါ်ခဲ့ပေမယ့် တကယ်က ကျွန်တော်ဟာ ဒီထက်ပိုပြီးကစားခွင့်ရချင်ခဲ့တာပါ”လို့ ပြောခဲ့ပါတယ်။
ကန်ဆယ်လိုဟာ လက်ရှိအချိန်မှာ ဘိုင်ယန်အသင်းအတွက် အပြည့်အဝအာရုံစိုက်ပြီး အကောင်းဆုံးပေးဆပ်သွားမယ်လို့ ဆိုခဲ့ပါတယ်။