အာဆင်နယ်အသင်းနည်းပြ အာတီတာနဲ့ တိုက်စစ်ကစားသမား ဟာဗက်ဇ်တို့ဟာ နယူးကာဆယ်အသင်းကို ၄ ဂိုး-၁ ဂိုးနဲ့ အနိုင်ရတဲ့ပွဲမှာ ခြေစွမ်းပြသနိုင်ခဲ့တဲ့ ကွင်းလယ်လူ ဂျော်ဂျင်ဟိုကို ကမ္ဘာ့အဆင့်ကစားသမားလို့ ချီးကျူးသွားခဲ့ပါတယ်။
ဂျော်ဂျင်ဟိုဟာ နယူးကာဆယ်အသင်းနဲ့ပွဲမှာ အကောင်းဆုံးကစားသမားဆုရတဲ့အထိ ခြေစွမ်းပြသနိုင်ခဲ့တာပါ။ပွဲအပြီးပြုလုပ်ခဲ့တဲ့ အင်တာဗျူးမှာ ဟာဗက်က ဂျော်ဂျင်ဟိုနဲ့ ပတ်သက်ပြီး”ကျနော်သူ့အကြောင်းကို အများကြီးသိပြီး၊သူနဲ့တွဲကစားရတာဟာ ကျနော့်အတွက် အလွန်ကောင်းပါတယ်။ဒါက ကျနော့်အတွက်လွယ်ကူစေပြီး သူက ကမ္ဘာ့အဆင့်ကစားသမားပါ”လို့ဆိုခဲ့ပါတယ်။
ဂျော်ဂျင်ဟိုနဲ့ပတ်သက်ပြီး ဟာဗက်ဇ်ပြောဆိုခဲ့တာကို အာတီတာက”သူပြောတာသေချာပါတယ်။ဂျော်ဂျင်ဟိုဟာ ထိပ်တန်းကစားသမားပါ။ဂျော်ဂျင်ဟိုဟာ ဒီပွဲမှာ ကြီးမားတဲ့အကျိုးသက်ရောက်မှုတွေရှိပါတယ်။ဒီပွဲမှာ သူစွမ်းဆောင်ခဲ့တဲ့အရာအတွက် အသိအမှတ်ပြုရမှာပါ”လို့ဆိုခဲ့ပါတယ်။
ပြီးခဲ့တဲ့ ဇန်နဝါရီက ချယ်လ်ဆီးအသင်းကနေ ရောက်ရှိလာခဲ့တဲ့ ဂျော်ဂျင်ဟိုဟာ ဒီရာသီအကုန်မှာ အသင်းနဲ့ စာချုပ်ကုန်ဆုံးမှာဖြစ်ပေမယ့် အာဆင်နယ်အသင်းဟာ သူ့ကို စာချူပ်သက်တမ်းတိုးခွင့်ကို အသက်သွင်းဖွယ်ရှိတယ်လို့ သိရပါတယ်။