ယူနိုက်တက်အသင်းဟာ ဖူလ်ဟမ်အသင်းကို ၂ ဂိုး-၁ ဂိုးနဲ့အရေးနိမ့်ခဲ့တာကြောင့် အဆင့် ၄ နေရာမှာရှိနေတဲ့ အက်စတွန်ဗီလာအသင်းနဲ့ ၈ မှတ်အထိကွာဟနေပေမယ့် အသင်းဟာ အဆင့် ၄ အတွင်းဝင်ရောက်ပြီး ရာသီအဆုံးသတ်နိုင်တယ်လို့ နည်းပြ အဲရစ်တန်ဟတ်က ပြောခဲ့ပါတယ်။
ယူနိုက်တက်အသင်းဟာ နောက်ဆုံးကစားခဲ့တဲ့ ပရီးမီးယားလိဂ် ၄ ပွဲဆက်တိုက်နိုင်ပွဲရပြီး အကောင်းဆုံးပုံစံတစ်ခုရရှိနေပေမယ့် တိုက်စစ်မှူး ဟေ့ာ့ဂျ်လန်းမပါဝင်နိုင်တာနဲ့အတူ အသင်းရဲ့တိုက်စစ်ပိုင်းဟာ အလုပ်မဖြစ်ခဲ့ဘဲ ဖူလ်ဟမ်အသင်းကို အိမ်ကွင်းမှာ ၂၀၀၃ ခုနှစ်နောက်ပိုင်း ပထမဆုံးအကြိမ်ရှုံးနိမ့်ခဲ့တာဖြစ်ပါတယ်။
အဲရစ်တန်ဟတ်က “ကျနော်တို့ဟာ ဇန်နဝါရီလကတည်းက ဗိုလ်လုပွဲတွေကို ကစားနေတာဖြစ်ပြီး ကျနော်တို့ဟာ ဗိုလ်လုပွဲအများအပြားကို အနိုင်ယူနိုင်ခဲ့ပါတယ်။ကျနော်တို့ဟာ ပိုကြီးမားတဲ့ပုံကို မြင်တွေ့ရမှာဖြစ်ပြီး ဒါက အလွန်ကြည့်ကောင်းပါတယ်။ဒဏ်ရာရကစားသမားတွေပြန်လာရင် ကျနော်တို့ဟာ ပိုပြီးဟန်ချက်ညီမှာပါ”
“ကျနော်တို့ဟာ လမ်းကြောင်းမှန်ပေါ်ကို ရောက်ရှိနေပြီး ကျနော်တို့မှာ ရွေးချယ်စရာကစားသမားတွေရှိတဲ့အခါမှာ အလွန်ကောင်းမွန်တဲ့အသင်းဖြစ်တယ်”လို့ ဆိုခဲ့ပါတယ်။ယူနိုက်တက်အသင်းဟာ ဒီတစ်ပတ် ပရီးမီးယားလိဂ်ပွဲစဉ်အဖြစ် မန်စီးတီးအသင်းနဲ့ ယှဉ်ပြိုင်ရမှာဖြစ်ပါတယ်။
