ယူနိုက်တက်အသင်းတိုက်စစ်မှူး ဟော့ဂျ်လန်းဟာ ကြွက်သားဒဏ်ရာကြောင့် ၂ ပတ်ကနေ ၃ ပတ်ခန့်အနားယူရမယ်လို့ အသင်းဘက်က အတည်ပြုသွားခဲ့ပါတယ်။
ဟော့ဂျ်လန်းဟာ နောက်ဆုံးကစားခဲ့တဲ့ ပရီးမီးယားလိဂ် ၆ ပွဲဆက်တိုက်ဂိုးသွင်းယူထားတာကြောင့် ဒဏ်ရာကြောင့် အနားယူရမှာက ယူနိုက်တက်အသင်းအတွက် ကြီးမားတဲ့ထိုးနှက်ချက်ဖြစ်လာတော့မှာပါ။ဟော့ဂျ်လန်းဟာ ဒဏ်ရာကြောင့် မနက်ဖြန်ကစားမယ့် ဖူလ်ဟမ်အသင်းနဲ့ပွဲစဉ်အပါအဝင် နော်တင်ဟမ်ဖောရက်စ်နဲ့ FA ဖလား၊ မန်စီးတီး၊အဲဗာတန်၊ရှက်ဖီးယူနိုက်တက်နဲ့ ပရီးမီးယားလိဂ်ပွဲတွေကိုပါ လွဲချော်ဖို့ ရှိနေတာဖြစ်ပါတယ်။
ရလဒ်ကောင်းတွေဆက်တိုက်ရရှိနေပြီး အဆင့် ၄ အတွင်းဝင်ရောက်ဖို့ ပစ်မှတ်ထားနေတဲ့ ယူနိုက်တက်အသင်းအတွက်တော့ အဓိကတိုက်စစ်မှူးကို လာမယ့်ပွဲတွေမှာ လက်လွှတ်ရတော့မှာပါ။ယူနိုက်တက်အသင်းဟာ ဟော့ဂျ်လန်းမပါဝင်နိုင်တဲ့ပွဲတွေမှာ ရက်ရှ်ဖိုဒ့်ကို အထောင်တိုက်စစ်မှူးအဖြစ် အသုံးပြုရတော့မှာဖြစ်ပါတယ်။
ဟော့ဂျ်လန်းဟာ ဒီရာသီမှာ ယူနိုက်တက်အသင်းအတွက် ပွဲပေါင်း ၃၀ ပါဝင်ကစားထားပြီး ၁၃ ဂိုးသွင်းယူထားတာဖြစ်ပါတယ်။