ယူနိုက်တက်အသင်းနည်းပြ အဲရစ်တန်ဟတ်က လူတန်အသင်းနဲ့ပွဲမှာ ကတ်စမဲရိုး ထုတ်ပယ်ခံရသင့်တယ်လို့ ပြောဆိုနေမှုတွေအပေါ် တုံ့ပြန်လိုက်ပြီး ကတ်စမဲရိုးဟာ ပြိုင်ဘက်တွေကို ထိမိတာနဲ့ အဝါကတ်ပြသခံခဲ့ရတယ်လို့ ဆိုခဲ့ပါတယ်။
ကတ်စမဲရိုးဟာ ဒီပွဲမှာ လူတန်အသင်းနောက်ခံလူ ဘဲလ်ကို ပြစ်ဒဏ်ကျူးလွန်ခဲ့လို့ အဝါကတ်ပြသခံခဲ့ရပေမယ့် ဘာကလေကို ပြစ်ဒဏ်ကျူးလွန်ချိန်မှာတော့ နောက်ထပ်အဝါကတ်မပြသခံရလို့ ကံကောင်းခဲ့တာပါ။လူတန်ကစားသမားတွေဟာ ကတ်စမဲရိုးကို နှစ်ဝါတစ်နီနဲ့ ထုတ်ပယ်ဖို့ တောင်းဆိုခဲ့ပေမယ့် ကွင်းလယ်ဒိုင်လူကြီးက မပြသခဲ့တာဖြစ်ပါတယ်။
အဲ့ဒါကြောင့် နည်းပြ အဲရစ်တန်ဟတ်ဟာ ပထမပိုင်းအပြီးမှာ ကတ်စမဲရိုးကို တော်မီနေးနဲ့ လူစားလဲပြီး အနီကတ်မထိအောင် လုပ်ဆောင်ခဲ့တာပါ။ပွဲအပြီးမှာ နည်းပြ အဲရစ်တန်ဟတ်ကတော့ ကတ်စမဲရိုးအပေါ် ကွင်းလယ်ဒိုင်လူကြီးတွေရဲ့ကိုင်တွယ်ပုံတွေကို ဝေဖန်ခဲ့တာဖြစ်ပါတယ်။
အဲရစ်တန်ဟတ်က “သူဟာ ပြိုင်ဘက်တွေကို မထိရင်တောင် အဝါကတ်ပြသခံနေရတာပါ။ဒီပွဲက အဝါကတ်ဟာ မျှတမှုမရှိပါဘူး။အဲ့ဒါကြောင့် နောက်ထပ်အဝါကတ်မထိအောင် လူစားလဲခဲ့ရတာပါ။သူဟာ ပြိုင်ဘက်တွေကို ထိမိတာနဲ့ အဝါကတ်ပြသခံနေရတယ်”လို့ ဆိုခဲ့ပါတယ်။
ကတ်စမဲရိုးဟာ နောက်ဆုံးကစားခဲ့တဲ့ ၁၀ ပွဲမှာ အဝါကတ် ၈ ကြိမ်အထိပြသခံခဲ့ရပြီး မနှစ်ကရာသီကဆိုရင် ပဲလေ့စ်နဲ့ ဆောက်သမ်တန်အသင်းတို့ပွဲမှာ အနီကတ်နဲ့ထုတ်ပယ်ခံခဲ့ရတာဖြစ်ပါတယ်။
