အန်ဒီကာရိုးဟာ ချန်ပီယံရှစ်ကလပ် ရီးဒင်းအသင်းမှာ ဝတ်ဆင်မယ့် ကျောနံပတ်နဲ့ ပတ်သက်ပြီး ပရိသတ်တွေက အံဩနေကြတာ ဖြစ်ပါတယ်။
အန်ဒီကာရိုးလ်ဟာ အခုအပတ်ကမှ ရီးဒင်းအသင်းနဲ့ ဇန်နဝါရီအထိ သက်တမ်းရှိတဲ့ ကာလတိုစာချုပ်ချုပ်ဆိုခဲ့တာပါ။ကာရိုးဟာ ပြီးခဲ့တဲ့ရာသီကလည်း ရီးဒင်းမှာ ကစားခဲ့တာကြောင့် ဒုတိယအကြိမ်မြောက် ထပ်မံကစားမှာ ဖြစ်ပါတယ်။
ပထမအကြိမ်ကစားခဲ့တုန်းက အန်ဒီကာရိုးလ်ဟာ ရီးဒင်းအတွက် ၈ ပွဲကစားပြီး ၂ ဂိုးသွင်းယူနိုင်ခဲ့တာပါ။အန်ဒီကာရိုးလ်ဟာ ရီးဒင်းအသင်းမှာ ကျောနံပတ် ၂, ၂၀, ၂၆ နဲ့ ၂၇ တို့ကို ရွေးချယ်ခွင့်ရှိတာဖြစ်ပါတယ်။
ဒါပေမယ့် အန်ဒီကာရိုးလ်ဟာ နောက်ခံလူတွေ ဝတ်ဆင်တဲ့ ကျောနံပတ် ၂ ကို ရွေးချယ်ခဲ့တာဖြစ်ပါတယ်။ကာရိုးရဲ့ထူးဆန်းတဲ့ နံပတ်ရွေးချယ်ခဲ့တာနဲ့အတူ ပရိသတ်တွေဟာ ဆိုရှယ်မီဒီယာပေါ်မှာ တုံ့ပြန်မှုတွေ ပြုလုပ်ခဲ့ကြတာပါ။
“ဒါဟာတရားမဝင်ပါဘူး”၊ ” ဒါဟာ ကျွန်တော်မြင်ဖူးသမျှထဲမှာ ရယ်စရာအကောင်းဆုံးအသင်းနံပတ်တစ်ခုပါ” ၊ “ဒါကို ခွင့်မပြုနိုင်ပါဘူး” အစရှိတဲ့ မှတ်ချက်တွေကို ရေးသားခဲ့ကြတာဖြစ်ပါတယ်။
အန်ဒီကာရိုးလ်ကတော့ ဒီကိုပြန်လာရလို့ ပျော်ရွှင်ကြောင်းနဲ့ ဒါဟာ အလွန်ကောင်းမွန်တဲ့ ခံစားချက်လို့ ပြောခဲ့ပါတယ်။